Konfrontazioan eta gatazkan oinarritutako estrategia leporatu dio Larrañagak ELAri
Estrategia osoa "konfrontazioan eta gatazkan" oinarritzea leporatu dio ELA sindikatuari Roberto Larrañaga Confebaskeko presidenteak. Bestalde, "askoz ere kolaboratiboagoa den lan harreman eredu berria" defendatu du Larrañagak.
Izakun Bilbao europarlamentariarekin izandako hitzaldi batean, Kontzertu Ekonomikoa "ez dela pribilegio bat" azpimarratu du Larrañagak, Europar Batasunak eta merkataritza askeak "indartsuago egin gaituela" adierazteaz gain.
Europar Batasuneko beste herrialde batzuetan "guztien onura" lortzeko sindikatuen artean dagoen elkarlana ikusten duenean, "inbidia" sentitzen duela esan du. Halaber, "ekonomia aldatu egin dela" berretsi du.
"Labe Garaietako sasoia atzean geratu da, eta mundu industrial aurreratuago batera goaz, ezin dugulako eskulan herrialde batean bizi, balio erantsia ematen dion industria duen herrialde batean baizik", esan du Larrañagak. Hori dela eta, "lan harremanak aldatu egin behar direla" gaineratu du.
Horrenbestez, "orain dela bi urte lankidetza eta hezkuntza ez ezik, langileek enpresaren helburuetan parte-har dezaten bultzatzen ari da Confebask, baita helburu horien lorkuntzan oinarritutako ordainketa ere", argitu du: "azken finean, askoz ere eredu kolaboratiboagoa".
Hori kontuan izanik, euskal patronala ez dator bat "hainbat sindikaturekin, ELArekin esaterako". Izan ere, sindikatu horrek estrategia osoa "konfrontazioan eta gatazkan oinarritzen duela" esan du, "lan merkatua etengabeko gatazka bihurtzeko".
Larrañagaren ustez, Europar Batasunak eta merkataritza askeak "indartu egin gaitu". Euskadi "erabat erkidego industriala dela" nabarmendu du. Horrez gain, "enpresa-kolektibo euskalduna oso sustraituta dagoela azaldu du, eta etekinak berriz erkidegoan inbertitu dituela".
Kontzertu ekonomikoa
Europar Batasunarekin "bateratutako" zerga politika eskatu du Confebaskeko presidenteak. Era berean, Kontzertu ekonomikoa ez dela pribilegio bat argudiatu du, "hainbatek Euskadiko zerga-sistemaren kontra abiatutako kanpaina batean esaten duten arren".
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.