Osakidetzak lau espezialitateko lan eskaintza publikoa geldiarazi du, behin-behinean
Osakidetzak 2018ko lan eskaintza publikoa bertan behera utzi du lau espezialitatetan, behin-behinean, azterketan filtrazioak izan ote ziren argitzeko zabaldutako espediente informatiboa ebatzi bitartean, Maria Jesus Mugica Osakidetzako zuzendari nagusiak Radio Euskadiko 'Ganbara' irratsaioan baieztatu duenez.
Neurriak hiru alor hauei eragiten die: Kirurgia Plastiko, Angiologia eta Kirurgia Baskularra, Anestesia eta Kardiologia. Gainerako ataletan aurreikusitako egutegia mantenduko da.
Mugicak eta Andoni Arcelay Asistentzia Medikoko zuzendariak agerraldia egin dute asteazken goizean, neurri horren berri emateko.
Azaldu dutenez, Angiologia eta Hodietako Kirurgia, Anestesia eta Kardiologia kategorietan informazio-espedientea zabaltzea erabaki du Osakidetzak. Horrez gain, espedientea ebatzi bitartean, espezialitate horietako azterketa prozesuak geldiarazi ditu.
Bestalde, ez du baztertzen informazio-espediente gehiago irekitzea probak egin ondoren lortutako emaitzak zalantzazkoak diren kategorietan.
Lan eskaintza publikoaren hiru kategoria mediko bertan behera uztearekin “nahikoa ez” dela adierazi du ELAk, eta gertatutakoaren “ikerketa zorrotza” eskatu du. Gainera, “atzotik, lan eskaintza publikoaren emaitzak webetik kendu eta publikoak ez” direla salatu du sindikatu abertzaleak.
Bestalde, LAB sindikatuak iragarri duenez, ostegun honetan Fiskaltzarekin bilduko da, 10 kategoria baino gehiagotan “antzemandako irregulartasun guztien” berri emateko.
“Egoeraren larritasuna” azpimarratu ondoren, “irregulartasunak baieztatzen dituzten testigantza gehiago” heltzen ari zaizkiola ziurtatu du LABek agiri batean. “Mediku espezialista gehienen artean ekiteko ohiko modua izango litzateke”, salatu du sindikatuak.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.