Novaltiak Europako banaketa biltegi aurreratuena eraikiko du Bizkaian
Farmazia-banaketa sektoreak diharduen Novaltia kooperatibak biltegi berria eraikiko du Lezama eta Zamudio artean. Guztiz robotizatuko dute, eta 10 milioi euro baino gehiago inbertituko ditu enpresak.
Zentro logistiko berria 2019an ipiniko dute martxan. 9.000 metro karratu izateaz gain, punta puntako teknologiarekin lan egingo du. 6 milioi euro gastatuko dituzte robotizatzeko, eta egunean 10.000 eskari aurrera atera ahal izateko. Egunean 300.000 ale saltzea espero dute.
Jon Darpon Eusko Jaurlaritzako Osasun sailburuak hartu du parte eraikinaren lehen harria jartzeko gaur goizean egindako ekitaldian. Halaber, Imanol Pradales Garapen Ekonomikorako foru diputatua ere izan da.
Novaltiak lau zentro logistiko ditu: Zaratamon, Gasteizen, Zaragozan eta Calatayuden. 1.000 bazkide ditu kooperatibak Euskadin eta Aragoin. Horrez gain, munduko osoko 650 laborategirekin egiten du lan.
Enpresak azaldu duenez, gaur egungo farmazia eredua eta prestazioa ez litzateke posible izango banaketa sektorerik gabe. Izan ere, sendagaia edonora eramatea ahalbidetzen du, ibilbidearen kostu ekonomikoa eta farmaziaren kokapena edozein dela ere.
Enpresak 316 milioi euroko negozio-zifra izan zuen, 2016an baino % 1,8 gehiago. Halaber, zergak kontuan izan gabe, 2,2 milioi euroko irabaziak izan zituen.
Zure interesekoa izan daiteke
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.