Osakidetzako lan eskaintzan irregulartasunik izan ote den ikertuko du Fiskaltzak
Euskal Autonomia Erkidegoko (EAE) Fiskaltza Nagusiak Osakidetzaren Lan Eskaintza Publikoan (LEP) irregulartasunik izan ote den ikertuko du. Zehazki, aurrez azterketak filtratu ziren argitzen saiatuko da Carmen Adan buru duen Ministerio Publikoa.
Osakidetzak ez du adierazpenik egin nahi izan, baina berretsi du Justiziari ikerketan laguntzeko prest dagoela.
ELA eta ESK sindikatuek jarri zuten salaketa Fiskaltzaren aurrean, "gertatutakoa ikertzeko eta erantzukizun penal zein politikoak garbitzeko". LABek ere aurki aurkeztuko du salaketa.
Fiskaltza ez ezik, Arartekoa ere 2016-2017 urteei dagokien lan eskaintza ari da ikertzen.
Emaitzak ikusita, hainbat mediku espezialitateko azterketen edukia aldez aurretik ezagutarazi zuten susmoa zutela salatu zuten sindikatuek eta oposizioko alderdiek. Horren aurrean, azterketa guztiak gainbegiratuko zituela iragarri zuen Osakidetzak, baina egutegia ukitu gabe. Horrez gain, lau espezialitateko lan eskaintzak geldiarazi zituen, eta atzo bertan, Pediatriako proba bat baliogabetu zuen.
ELAk Darponen dimisioa eskatu du
Hain justu, "irregulartasunok" salatzeko elkarretaratzea egin du goizean ELA sindikatuak Osakidetzak Bilbon duen egoitzaren aurrean.
Pello Igeregi ELAren Negoziazio Kolektiboko arduradunak salatu duenez, "Osakidetzak bazekien zer gertatzen ari zen zerbitzu medikuetan LEPa martxan jarri baino lehen: Guk geuk esan genion Osasun sailburuari zein Giza Baliabideetako zuzendari ezberdinei".
Sindikatu abertzalearen ustez, Osasun Zerbitzu Publikoko arduradunak jakitun dira, aspalditik, "lobby bat" dagoela, "hainbat mediku espezialitateko zerbitzuburuek osatutakoa". Kritikatu dutenez, lan eskaintza honetan jazotakoa ez da "gertakari isolatu bat, sistema usten baten adibide bat baizik".
"Ezin zaie errua LEPren epaimahaiei egotzi, epaimahaikideak Osakidetzak berak izendatu zituelako", erantsi du Igeregik.
Elkarretaratzea egiteaz gain, Osakidetzaren arduradunei 4.000 sinadura eman dizkiete sindikatuko ordezkariek. Agirian Osakidetzaren egungo egoera salatu dute, besteak beste, "murrizketak, pribatizazioa, behin-behinekotasuna, lan-kargen handitzea eta LEPren irregulartasunak".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".