Euskadiko pinudiak, arriskuan
Euskadiko hiru foru aldundiek, Eusko Jaurlaritzak eta baso sektoreak osatutako lantaldeak bilera egin du gaur, ‘banda marroia’ pinuen gaixotasunaren egoera aztertzeko. Oraingoz gaitzari aurre egiteko tratamendu eraginkorrik ez dago.
Gaixotasuna kontrolatzeko, 2017ko urritik baso sektorearekin eta Eusko Jaurlaritzarekin elkarlanean ari direla azaldu dute Bizkaia, Gipuzkoa eta Arabako aldundiek agiri batean. Eritasuna onddo batek sortzen du, eta 'banda marroia' izenarekin ezaguna da, pinuetan uzten duen koloreagatik.
‘Banda marroia’ izeneko gaitza pinuei “birulentzia handiarekin” kalte egiten ari zaie. Orain arte “ikusi ez den” hedapena hartu du gaixotasunak Euskadiko pinudietan.
Gaixotasuna hedapen oso azkarra izaten ari da. Aurten, urtarriletik otsailera bitartean egin zen lehen azterketan, 2.000 hektarea gaitzak jota zeudela antzeman zuten Bizkaiko arduradunek.
Uztailean egindako bigarren azterketak 15.000-16.000 hektarea (% 25) gaixorik zirela ondorioztatu zuen. Bizkaian 65.000 hektarea pinu radiata daude. Guztira, 132.000 hektarea zuhaitz ditu lurralde historikoak.
“Salbuespen” egoera ikusita, EAEko erakundeek baso lantalde bat osatu zuten 2017ko urrian. Dagoeneko zenbait bilera egin ditu lantaldeak, azkena gaur. Hiru aldundiek, Eusko Jaurlaritzak, Neiker ikerketa institutuak eta Baskegur sektoreko elkarte profesionalak osatzen dute.
Ez dago sendabide eraginkorrik
Gaixotasuna kontrolatzea “zaila” da, oraingoz tratamendu eraginkorrik ez dagoelako. Horrela, gaixorik ez dauden pinuak kutsatzea eragozteko botikarik ez dago. Horretarako, Nekazaritza Ministerioak fungizida eraginkorren bat erabiltzeko baimena eman behar du.
Hala ere, arazoari aurre egiteko, produktu fungizidekin saiakerak egiten ari dira erakundeak. Bestalde, gaixotasunari erresistentzia azaldu duten zuhaitzen pinaburuak bildu dituzte, landatzeko eta ugaltzeko asmoarekin; ‘banda marroia’ jasaten duten pinu espezieak bilatzen ari dira eta onddoak sektorean sortzen ari den kalte ekonomikoa arintzeko diru-laguntzak martxan jarri dituzte.
Bizkaian pinuen gaixotasun hau ezaguna da aspalditik; izan ere, lurraldeko basoetan 1973az geroztik presentzia izan du, baina oraingoan ezohiko egoera bat eman da hedapen azkar eta ikaragarri batekin. Azken urteko eguraldiak gaitzari lagundu diola uste dute adituek, negu oso heze eta uda oso lehor batekin.
Gipuzkoan, nahiz eta gaixotasuna ezin geldiarazi, Aldundiak bi norabidetan lanean jarraituko du: gaitzarekin kutsatzen ez diren pinu espezieen sail berriak bultzatzen eta gaixotasunaren aurkako neurri berriak aztertzen.
Araban, hiru hilabeterik behin, Baskegurrekin biltzen ari dira gaixotasunaren bilakaera aztertzeko, sektorearekin harreman “etengabean”.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzen prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.