Aldundiek ez diete enpresei kalte-ordainik eman beharko opor fiskalengatik
Euskadiko foru aldundiek opor fiskalen onuradun izan ziren enpresei kalte-ordainik eman behar ez dietela erabaki du Auzitegi Gorenak. Diru-laguntzak itzuli behar izan zituzten, 2001ean Europako Batzordeak legez kanpokotzat jo ondoren.
Bere garaian opor fiskalen onuradun izan ziren enpresen aurrean, Foru Aldundiek ondare-erantzukizun moduan erantzuteko baldintza legalak ematen ez direla erabaki du Auzitegi Goreneko Administrazioarekiko Auzien III. Salak ebazpenean.
Horrela, Helados y Postres S.A. enpresaren helegitea atzera bota du Gorenak. Arabako Foru Aldundiari kalte-ordaina eskatzen zion errekurtsoan, ondare-erantzukizun moduan. EBk legez kanpoko eta merkatu komunarekin bateraezinak jo zituen diru-laguntzak bueltatzeko “kaltea jasan” beharrik ez zuela uste zuen enpresak.
Gasteizko Administrazioarekiko Auzien Epaitegiak 2015ean plazaratutako sententziaren irizpidea berretsi zuen EAEko Auzitegi Nagusiak 2016ko azaroan. Gorenak azken epai horren aurkako helegitea atzera bota du orain. Enpresak ondare-erantzukizuna eskatu zuen sozietate-zergan, baina Aldundiko Diputatuen Kontseiluak ez zuen eskakizuna onartu, eta enpresak akordio hura auzitara eraman zuen.
Erakundeak “oker emandako” laguntza fiskalak berreskuratzeko orduan, Aldundiak konfiantza legitimoaren edo fede onaren printzipioak urratu zituenik ukatu du III. Salak.
Europar Batasuneko Justizia Auzitegiaren epai bat aipatu du Gorenak. Legez kanpoko diru-laguntzen onuradun izan zirenen eskubidea urratu ez dela azaldu zuen sententzia hark, “desabantaila egoeran egongo liratekeen lehiakideena baizik”.
Helegitea aurkeztu zuen enpresak “laguntza erregimeneko zailtasunen eta, batez ere, sortzen zituen zalantzen jakitun zen”, ziurtatu du Gorenak.
Zure interesekoa izan daiteke
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako Ogasunek egindako autolikidazio proposamenak onartu edo aldatu dezakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.