Aurrekontu proposamenak aurkeztu dizkiote Jaurlaritzari EH Bilduk eta Podemosek
2019ko Aurrekontuen bozketara begira, EH Bilduk bi abstentzio eskaini dizkio Eusko Jaurlaritzari. Horretarako, hainbat baldintza jarri dizkio, besteak beste, "orain arteko ekonomia politikak zuzentzea, pentsio baxuak osatzea, kalitatezko enplegua sortzea eta gizon eta emakumeen arteko soldata desberdintasunekin bukatzea".
Hori da zehazki Arnaldo Otegi EH Bilduko koordinatzaile nagusiak eta Maddalen Iriarte Legebiltzarreko bozeramaileak Donostian emandako prentsaurrekoan aurreratu dutena. Han, aipatu koalizioak bilera izan du, astelehen honetan.
Ondoren, komunikabideen aurrean agertu dira, eta Otegik laguntza eskaini dio Iñigo Urkullu lehendakariari datorren ikasturteko Aurrekontuen prozesuan. "2019ko Aurrekontuek gizartearen eskakizunei bizkarra ematen ez badiete, Legebiltzarrean EH Bilduko bi ordezkari abstenitu egingo dira", esan du.
Ildo horretan, argi utzi du eskaintza horrekin ez duela "aurrekontu hitzarmenik" lortu nahi, EAJk eta PSE-EEk orain arte erabilitako politikak zuzendu baizik, euskaldunon aldarrikapenekin eta beharrizanekin bat ez datozela iritzita.
"Gobernuaren eta Lehendakariaren esku dago -esan du Otegik- gizartearen eskakizunei iskin egitea edo gure eskaintzari kasu egin eta herritarren nahiei erantzutea, bereziki premia handiagoa duten kasuei".
EH Bilduren "lehentasunen artean" legoke, Euskadik dituen eskumenez baliatuta, pentsio baxuenak osatzea, batik bat, babesik gabe dauden emakume alargunena.
Elkarrekin Podemosek 15 neurri proposatu ditu
Bestalde, Elkarrekin Podemosek 15 neurri jasotzen dituen proposamena igorri dio Pedro Azpiazu Ogasun eta Ekonomia sailburuari. Horien artean, Naval ontziolaren erreskatatzea nabarmendu du. Halaber, aurreko urteetako kontuei dagokienez, "180 graduko bira" galdegin dio Iñigo Urkullu lehendakariari, eta bira hori "ezkerrerantz" egiteko iradoki dio.
Bilbon emandako prentsaurrekoan, Andeka Larrea Elkarrekin Podemoseko Komunikazioko idazkariak ziurtatu du bere alderdia lanean ari dela "2019ko Aurrekontuak sozialagoak, bidezkoagoak eta solidarioagoak izan daitezen".
Horregatik, "Guztion Aurrekontuak" proposamena helarazi dio, zeinetan sektore anitzeko hainbat neurri jasotzen dituzten. Horiek guztiak asteartean aurkeztuko dituzte Legebiltzarrean.
Larreak azaldu duenez, txosten horrekin "herritar guztien beharrizanei erantzuten dieten kontuak" lortu nahi dituzte, alegia, Aurrekontu erabat sozialak izatea, lanpostuen behin-behinekotasunari, etxebizitzen salneurri altuei, lan munduan emakumezkoen eta gizonezkoen artean dauden desberdintasunei eta desindustrializazioari aurre egiteko.
Beste neurri batzuk
Elkarrekin Podemoseko buruak gaineratu du zerbitzu publikoen babesean oinarritutako Aurrekontuak proposatuko dituztela, "lan munduan, etxebizitzak erosterakoan eta arreta sanitarioan dauden arazoei" irtenbidea emate aldera.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.