Elkarrekin Podemosek 15 puntuko proposamena egin du Aurrekontuak negoziatzeko
Eusko Legebiltzarrean, Elkarrekin Podemos talde parlamentarioak 15 puntuz osatutako proposamena helarazi dio Eusko Jaurlaritzari, 2019ko Aurrekontuak negoziatzeko. Koalizioaren esanetan, "ez dira marra gorriak". Hala ere, Elkarrekin Podemosek Jaurlaritzari ohartarazi dio ez dituela "apur" batzuen truke kontuak babestuko.
Lander Martinez, Jon Hernandez, Joserra Becerra, Cristina Macazaga eta Tinixara Guanche Elkarrekin Podemoseko legebiltzarkideek prentsaurrekoa eskaini dute gaur goizean Eusko Legebiltzarrean, Elkarrekin Podemosek Eusko Jaurlaritzari helarazi dion negoziazio proposamena aurkezteko. Beste behin ere, "ezkerrera 180 graduko bira egiteko" eskatu dio Elkarrekin Podemosek EAJ-PSE gobernu koalizioari.
Eusko Jaurlaritzak Aurrekontuak oposizioko bi alderdi horiekin negoziatzeko asmoa agertu du publikoki. Izan ere, jeltzaleek eta sozialistek ez dute gehiengorik Eusko Legebiltzarrean. Hala ere, Lander Martinez Elkarrekin Podemosek Eusko Legebiltzarrean duen bozeramaileak "zalantzak ditu" Eusko Jaurlaritza proposamen horien gainean hitz egiteko prest egongo den ala ez.
Koalizioak proposatutako 15 neurrien horien artean daude, besteak beste, Sestaoko La Naval ontziolaren erreskate publikoa (Eusko Jaurlaritza, Bizkaiko Foru Aldundia eta Espainiako Gobernua), edota langabeziak gehien kolpatu dituen eskualdeetan eta sektore batzuetan (mendeko pertsonen zaintza eta enplegu berdea) azpimarra jarriko duen 150 milioi euroko enplegu plana.
Horrez gain, alokairuko etxebizitzen prezio gorakadari aurre egiteko ekintza plana proposatu du, hutsik dauden etxebizitzak mobilizatzearekin batera (bankuenak edota higiezinenak barne). Jaurlaritzako goi kargudunak % 15 murrizketa ere nahi du, Diru Sarrerak Bermatzeko Errentaren erreforma proiektu berri bat aurkeztea eta gizarte laguntzetan egindako murrizketak lehengoratzea.
Bestalde, urtea amaitu aurretik berdintasun eta indarkeria matxistaren lege-proiektuak aurkeztea eskatu du. Horrez gain, enpresa handiei Sozietate Zergan egiten zaien deskontua kentzea, EGA maila arte euskara ikastea doakoa izatea eta langile publikoen erosmen ahalmena berreskuratzea galdegin du.
Azkenik, sare publikoko hezkuntza zentroak hobetzeko diru-partida 30 milioi euroan handitzea, segregazioa bultzatzen duten OPUSeko zentroekin hitzarmena ez berritzea edota arrazoi ekonomikoengatik emigratu behar izan zuten herritarren itzulera bultzatzeko 6 milioi euroko plana gauzatzea.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.