Hipoteken zergen epaia aldatzeko bankuen deirik ez zuela jaso esan du Lesmesek
Carlos Lemes Auzitegi Goreneko Zigor-arloko Salako presidenteak ukatu egin du gaur (osteguna), hipoteken zergen harira emandako epaia aldatzeko bankuen deia jaso izana, hipoteka bat sinatzean ordaindu beharreko zergak bezeroek barik bankuek ordaindu behar dituztela ebatzi baitzuen joan den astean Gorenak.
Bestalde, gai horren inguruan egindako kudeaketa "eskasa" onartu du Lesmesek; gainera, Gorenari kudeaketa horrek kalte handia egin diola aitortu du, "206 urte lanean daraman" erakundearengan merezi ez duen mesfidantza handia eragin baitu.
Lesmesek hainbat bilera izan zituen Luis Diez Picazo hirugarren salako presidentearekin epaiak sortutako zalantzak arintzeko, eta horren harira, epaiaren nondik norakoak argitzeko nota informatiboa argitaratzea gomendatu ziola azaldu du; esaterako, atzeraeraginaren inguruko azalpenak eta zergaren ordainketa nori egokituko zitzaion argitzeko, baina epaileak gomendioa ukatu zuela esan du.
Bestalde, Diez Picazoren dimisioa eskatzea inolaz ere ez zuela pentsatu esan du Lesmesek, "lan goresgarria" egin duen epaile "ona" baita.
Espainiako Auzitegi Gorenak azaroaren 5ean argituko du hipoteken gaineko zerga nork ordaindu behar duen.
Joan den ostegunean, zerga hori bezeroek barik bankuek ordaindu behar dutela ebatzi zuen, baina biharamunean, ezustean, epaia berriro aztertuko zuela iragarri zuen.
Zure interesekoa izan daiteke
Epaitegiak Tubos Reunidoseko hartzekodunen konkurtsoaren administratzailea izendatu du
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKFAttest Concursal S.L.P. izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileak oposizioa gaindituta izan beharko duela plaza finkoa lortzeko
Gorenaren argudioa da oposizioa gainditu ez duen langile bat finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.