Renfeko aldiriko trenen % 25 bertan behera gelditu dira EAEn, greba deialdiagatik
Renfek Euskal Autonomia Erkidegoko (EAE) aldiriko trenen % 25 eta distantzia luzeko beste bi bertan behera utzi ditu gaur, CGT sindikatuak deitutako greba tarteko. Guztira, lanuzteak 300 zerbitzuri eragin die Estatuan.
Sindikatuak emandako datuen arabera, grebak % 10eko jarraipena izan du Renfe eta Adifeko langileen artean.
Lanuztea 00:00etan hasi dute, eta 23:00ak arte egongo da indarrean. CGT sindikatuak azaldu duenez, trenbide sektorearen pribatizazioaren aurka protesta egin nahi dute horrela.
Era berean, asteko lanaldia 37,5 ordura murriztea eskatzen dute Renfe eta Adifeko langileek, gazteei zuzendutako lanpostuak sortzeko asmoz.
Hain zuzen ere, bezeroei emandako "zerbitzuak okerrera egin" eta "arazoak ohikoagoak bihurtu" ostean erabaki zuen CGT sindikatuak protesta egitea.
295 tren gutxiago izango dira
Renfek jakitera eman duenez, 295 bidaiari tren gutxiago (distantzia ertaineko 208 tren eta ibilbide luzeko 87) ibiliko dira gaur, CGT sindikatuak deitutako greba dela eta.
Ibilbide luzeko trenei dagokienez, % 78ko gutxieneko zerbitzuak izango dira. Distantzia ertainekoen kasuan, berriz, % 65ekoak izango dira.
Langileen baldintzak hobetzea eskatzeko, beste lanuzte bat deitu zuen sindikatu horrek uztailaren 27an.
% 75-50 arteko gutxieneko zerbitzuak ezarri dituzte
Espainiako Sustapen Ministerioak gutxieneko zerbitzuak ezarri ditu. Hala, aldiriko trenetan % 75-50 artean izango dira gutxieneko zerbitzuak. Bidaiari gehien dabiltzan orduetan, gehienez ere lau trenetik hiru ibiliko dira, eta gainerako orduetan, berriz, trenen erdiak ibiliko dira.
Distantzia Ertaina egiten duten trenen % 65 ibiliko dira, eta Abiadura Handiko/Ibilbide Luzeko trenen % 78. Merkantzien trenei dagokienez, normalean ibiltzen diren trenen % 26 ezarri dituzte gutxieneko zerbitzu gisa.
Grebaren ondorioz bertan behera geratu diren Abiadura Handiko/Distantzia Luzeko eta Distantzia Ertaineko bidaia egiteko txartela erosita duten pertsonei bidaiatzeko hartuta duten ordutegitik gertuen dagoen beste tren batean bidaiatzeko aukera eskainiko zaie, ahal den guztietan. Bidaia aukeran ematen zaien orduan egin nahi ez badute, txartela bertan behera utzi edo beste egun batera alda dezakete, inolako gasturik gabe.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".