Inbertsio jasangarrien inguruan adostasunik ez dagoela esan du Solanak
Maria Solana Nafarroako Gobernuko bozeramaileak gezurtatu egin du Nafarroako eta Espainiako gobernuek akordioa lortu dutenik 75 milioi euro foru erkidegoko inbertsio jasangarrietara bideratzeko. Europa Press albiste agentziak goizean zabaldu duenez, bart hitzartu ei dute inbertsio plana bi administrazioek. "Ez dugu horren berri", esan du Solanak galdetu diotenean.
Solanak ziurtatu duenez, iaz lortutako superabitaren 113 milioiak inbertsio jasangarrietara bideratu ahal izateko “lanean jarraitzen du” Foru Gobernuak. Izan ere, 2017 ekitaldian lortutako superabita inbertsio jasangarriak egiteko erabiltzea onartu zuen duela gutxi Nafarroako Parlamentuak, baina Estatuaren baimena behar zen horretarako.
Gauzak horrela, Foru Gobernuak eta Sanchezen exekutiboak arlo horretan akordioa lortzen dutenean “xehetasun gehiago” emango dituztela aurreratu du Solanak. Izan ere, Europa Press berri agentziak goizean zabaldu duen albistea gezurra dela esan du, eta bi administrazioek oraindik ez dutela akordiorik sinatu berretsi du.
Goizean zabaldutako informazioaren arabera, 75 milioi euro foru erkidegoko inbertsio jasangarrietara bideratzea hitzartu dute bi aldeek, baina urrian onartutako legean islatutako 113 milioi horiek inbertsio jasangarrietara bideratzeko lanean jarraitzen dutela nabarmendu du Nafarroako Gobernuko bozeramaileak.
Mikel Aranburu Nafarroako Gobernuko Ogasun eta Finantza Politikako kontseilariak ildo beretik erantzun du. Hala, Solanaren adierazpenekin bat etorri da, eta Nafarroak ez diola 113 milioiak inbertsio jasangarrietara bideratzeari uko egingo azpimarratu du. Izan ere, Nafarroako Parlamentuaren nahia hori dela gogora ekarri du. “Kopuru hori bi urtetan bideratu behar badugu, hala egingo dugu, baina akordioa bilatzen ahaleginduko gara”, esan du.
Kontseilariaren esanetan, inbertsio jasangarrietara bideratutako kopuru hori Aurrekontuetatik at dago.
Buruzagi sozialista Moncloara iritsi zenetik lehen hartu-emana izan dute asteazken honetan Uxue Barkos Nafarroako Gobernuko presidenteak eta Pedro Sanchez Espainiako gobernuburuak.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.