Bertan behera utzi du Tapiak La Navaleko batzordearekin egin duen bilera
La Navaleko langile batzordeak eta Arantxa Tapia Eusko Jaurlaritzako Ekonomiaren Garapen eta Azpiegituretako sailburuak gaur egindako bilera tentsioz beterikoa izan da, eta sailburuak bertan behera utzi du.
Enpresako zuzendaritzak langile guztiak kaleratzeko espedientea iragarri ondoren, Jaurlaritzak Van Door armadore holandarrarekin negoziatzen jarraitzen du, Sestaon hasitako Alexia izeneko draga bertan amaituz gero inbertitzaile bat errazago agertuko delakoan.
Langileek, berriz, konpromiso zehatzagoa eskatu diote, eta batak zein besteak zapuztuta alde egin dute bileratik.
La Navalek Sestaoko ontziolako 177 langileei eragingo dien lan-erregulazioko txostena aurkeztu du jada, eta enpresari amaiera emateko planak aurrera jarraitzen du.
Langileen batzordea eta sailburua Bilbon bilduta zeudela, langileek elkarretaratzea egin dute bileraren kanpoaldean, "lehendakari zu joan zaitez Cadizera" leloa oihukatuz; Sestaoko ontziola behin itxita, langile gehienak Cadizeko Navantia enpresan hasiko baitira lanean.
Ordu erdiz bilduta egon ostean, sailburuak bertan behera utzi du bilera. Juanjo Llorden langileen batzordeko idazkariaren esanetan, Tapia "haserretu egin da" erantzunik ez zuen galderak egin dizkiotelako.
Sailburuak, berriz, galderarik ez diotela egin eta "ontziola ez dela ixten dioen titularra baino ez zaiola interesatzen" leporatu diotela salatu du. Hori dela eta, mahaitik altxa eta bileratik alde egin duela azaldu du, "ez baitut horrelakorik onartuko".
IRTENBIDEAK
Egoerak okerrera jotzen duen bitartean, sailburuak bi irtenbide aipatu ditu: batetik, Van Oord armadorearekin negoziatzen jarraitzea, denbora irabazteko.
Hala ere, armadorearekin izaten ari diren negoziazioak tentsio handikoak direla esan du sailburuak, baina "oraingoz mahaitik altxatu ez dela eta horrela izaten jarraitu nahi dutela" gaineratu du.
Bestetik, inbertitzaile pribatu baten bila jarraitzen dutela azaldu du Tapiak. Ildo horretan, Sestaoko ontziolan inbertitzeko interesa duten enpresa "serioak" daudela iragarri du sailburuak.
Hala ere, langileen batzordeak ez du inbertitzaile pribatu bat aurkitu nahi eta erreskate publikoa beharrezkoa dela uste du. Hori horrela, "Gobernu zentralak eros gaitzala" eskatu dute berriro.
"Langileen % 88ek Navantian lan egitera joateko eskubidea dute, hortaz, Gobernu Zentrala gu erostea ez da errazagoa izango 150 familiak erbestera joan beharrean?, esan du Llordenek.
Langileen batzordearentzat errealitate bakarra "bihartik aurrera kobratuko ez dutela" da, eta "denbora bukatzen dela" salatu dute. "Urtebete izan dute inbertitzaileak bilatzeko eta Van Oord enpresariarekin akordioa adosteko; ez dakit asko edo gutxi lan egin dute, baina ez da emaitzarik izan", azaldu Llordenek.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).