Akordioa Jaurlaritza, CCOO eta UGTren artean, 700 errelebo-kontratu ahalbideratzeko
Eusko Jaurlaritzak akordioa lortu zuen atzo Funtzio Publikoaren Mahaian CCOO eta UGT sindikatuekin, 2020ra arte 700 langileri erretiro partziala hartzea ahalbideratzeko. ELA eta LAB sindikatu nagusiak akordiotik kanpo gelditu dira. Gehiengo sindikalaren babesik gabe izan gabe ere, erretiro partzialen proposamenarekin aurrera egitea erabaki du Eusko Jaurlaritzak.
Erretiro partzialen kontu hau aukerazkoa izango da, eta 700 langileri eragingo die: Osakidetzako 465 langileri, Hezkuntza Sailaren baitako 130 langileri (irakasle zein irakasle ez direnak), Administrazio Orokorreko eta organismo autonomoetako 55 langileri, Segurtasun Saileko 45 langileri eta Justizia Saileko 5 langileri.
Jubilazio partzialei lotutako errelebo-kontratuak 2019ko urtarrilaren 1etik 2020ko abenduaren 31ra bitartean egongo dira indarrean. Dena den, Eusko Jaurlaritzak eta bi sindikatu sinatzaileek adostu dutenez, denbora tarte horretan Espainiako Gobernuak erretiro partzialari buruzko araudia aldatzen badu, Funtzio Publikoaren Mahaia deituko dute gaia berriro aztertzeko.
ELA eta LAB sindikatuen iritziz, erretiro partzialen proposamena ez da nahikoa. Aitzitik, Andres Zearreta Funtzio Publikoko sailburuordearen esanetan, kalitatezko enplegu publikoaren alde egindako apustuan aurrera egitea da.
Atzoko bileran erretiro partzialen proposamena soilik jorratu izana salatu du ELAk. Halaber, akordioa "gutxiengoan" adostu izana kritikatu du. LABek, bere aldetik, jorratu beharreko beste gai batzuk ere badaudela nabarmendu du.
Zure interesekoa izan daiteke
EAEko enpresek 1.130 milioi euro esportatu zituzten Ekialde Ertainera 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Ertaineko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek eskatu du Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.
Dermatosi nodularraren aurkako txertaketa Bizkaira eta Arabara zabaltzeko eskatu du berriro Jaurlaritzak
Espainiako Nekazaritza, Arrantza eta Elikadura ministroari gutuna igorri dio Amaia Barredo sailburuak. Bertan esan dionez, azken fokuaren eta EAEren arteko distantzia txikitu egin da, eta, hortaz, gaixotasuna gure lurraldean zabaltzeko arriskuak gora egin du.
Gipuzkoako zahar-etxeetako erabiltzaileen senideek grebaren ondorioak salatu dituzte
Gipuzkoako zahar-etxeetako adinekoek jasotzen duten zaintza gero eta prekarioagoa dela salatu dute adinekoen senideek. Gipuzkoako egoitza eta eguneko zentroetako langileek 110 egun daramatzate greban, hitzarmen berri baten alde.
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.