Klima-aldaketaren Legean 'segurtasuna' eskatu dio Tapiak Espainiako Gobernuari
Klima-aldaketa Legearen zirriborroan, lanean jarraitu behar dutela azaldu du Arantxa Tapia Ekonomi Garapenerako eta Azpiegituretarako sailburuak, Teresa Ribera Trantsizio Ekologiko ministroarekin bildu ondoren. Tapiak nabarmendu duenez, CO2 isurien murrizketa bat lortzeaz gain, ekoizpen-sareari “segurtasuna” eman behar zaio, trantsizio hori lehiakortasunik galdu gabe burutzeko.
Gutxi gorabehera ordubeteko bilera izan ondoren, hitzordu “oso adeitsua eta positiboa” izan dela ziurtatu du sailburuak. Jose Manuel Soria edo Alvaro Nadal aurreko ministroekin alderatuta, “jarrera positiboa eta harbera” aurkitu duen “lehen aldia” izan dela goraipatu du Tapiak.
Bereziki bi puntu garrantzitsu mahai gainean izan dituztela jakitera eman du sailburuak. Aurrenekoa industriaren energia kostuak izan dela azaldu du. Zentzu horretan, “ekoizpen-sarearen lehiakortasunari laguntzen dion energia politika baten beharra”, azpimarratu dio Tapiak ministroari.
Jarrera harbera aurkitu duela onartu du sailburuak, ondorioz, lanean jarraitzeko aukerak daudela uste du. Trantsizio Ekologiko eta Industria ministerioak neurri konkretuetan dagoeneko lanean ari direla zehaztu du Tapiak.
Zentzu horretan, energiaren truke, Euskadiko industriak Alemaniak edo Frantziak baino % 30 gehiago ordaintzen duela gogorarazi du sailburuak.
Gai-zerrendan bigarren puntu aipagarria Klima-aldaketa Legearen zirriborroa izan da. Tapiaren ahotan, ekoizpen-sareari “segurtasuna” eman behar diotela onartu du Ministerioak.
Tapiaren hitzetan, automobilgintza sektoreak “garrantzitsua” izaten jarraitzea bermatu behar dute agintariek. Besteak beste, sare elektrikoak, berriz kargatzeko sistemak eta metatze elektrikoa hobetu behar dituztela gogorarazi du sailburuak. Gasolina, diesel eta ibilgailu hibridoen ekoizpena 2040an bukatzea planteatzen du zirriborroak.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.