Aurrekontuen arauak hausteko arriskua duela ohartarazi dio Bruselak Espainiari
Espainiako Gobernuak aurkeztutako 2019rako Aurrekontu Orokorren zirriborroa Europako zerga diziplina hausteko arriskuan dagoela ohartarazi du Europako Batzordeak, eskatutako neurrietatik "nabarmen" aldendu eta zorra murrizteko gidalerrotik desbideratu baita.
Europako Batzordeak agiri batean jakitera eman duenez, Espainiako defizita Barne Produktu Gordinaren % 3ko mailatik jaistea aurreikusita dago. Hori horrela, Espainia defizit handiegia izateagatik neurri zuzentzaileak izatetik, gune prebentiboan egotera igaroko da, eta ondorioz, zorra eta gastu publikoa murrizteko arauak nahitaez bete beharko dituela gogoratu du EBk.
Aurrekontuen inguruko arauak betetzen direla bermatzeko, Batzordeak "beharrezko neurriak har ditzatela" gomendatu die Espainiako agintariei. Bestalde, EBk uztailean egindako gomendioen harira, Espainiak "aurrerapen murriztuak" egin dituela esan du Bruselak, eta horiek "bizkortzeko" eskatu dio.
Bestalde, Europako Batzordearen ustez, Italiari defizita zuzentzeko prozedura zabaldu behar zaio zor publiko handiegia eta defizit estrukturala baitauka, eta Erromak 2019rako aurkeztutako aurrekontuetan zorra eta defizita handitzen jarraituko delako.
Ildo horretan, Italiari defizita murrizteko eskatu zion Batzordeak uztailean, baina Italiako Gobernuak bidalitako bigarren zirriborroan defizita handitu egin dela ohartarazi du.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.