EAEko batez besteko erretiro-pentsioa 1.193,2 eurokoa izan da azaroan
Euskal Autonomia Erkidegoko (EAE) batez besteko erretiro-pentsioa 1.193,2 eurokoa izan da azaroan, iazko hilabete berean baino % 3,8 handiagoa. Estatuko batez besteko erretiro-pentsioa 959,91 eurokoa da, EAEkoa baino 233,2 euro gutxiago.
Horrela, Estatuko Gizarte Segurantzako Institutu Nazionalak astelehen honetan jakinarazi dituen datuen arabera, EAEko pentsioak Estatuko altuenak dira, eta Asturiaskoak (1.129 euro), Madrilgoak (1.128 euro) eta Nafarroakoak (1.103,9 euro) daude zerrenda horretan jarraian.
Pentsioen batez besteko kopuruari dagokionez, Araban batez beste 1.214,03 euro jaso dituzte pentsiodunek; Bizkaian, 1.204,13 euro; eta Gipuzkoan, 1.167,85.
Bestalde, 554.433 pentsio izan dira azaroan EAEn, hau da, aurreko urteko azaroan baino % 1,3 gehiago.
Datuak lurraldez lurralde aztertuz gero, Araban 76.387 pentsio eman dituzte azaroan (aurreko urteko hilabete berean baino % 1,9 gehiago); Gipuzkoan, 187.856 (% 1,3 gehiago); eta Bizkaian, 290.190 ( % 1,2 gehiago).
554.433 pentsioen artean, erretiro-pentsioak dira nagusi, 358.204 baitaude; batez beste, 1.365,32 eurokoak dira. Jarraian, alargun-pentsioak daude, 135.570 ordaindu baitituzte; batez beste, 819,93 euro jaso dituzte horien hartzaileek azaroan.
Bestalde, ezintasun iraunkorra duten 42.961 pertsonak jaso dute pentsioa; batez beste, 1.222,71 euro jasotzen dituzte hilean. Azkenik, 15.374 umezurtz-pentsio eman dituzte azaroan Euskadin (468,18 eurokoak, batez beste), eta senideen aldeko 2.324 eman dituzte (689,26 eurokoak, batez beste).
EAEko pentsiodunak Estatu osoko pentsioen % 5,7 dira.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.