Espainiako Gobernuarekin biltzea eskatuko dute Hego Euskal Herriko pentsiodunek
Arabako, Bizkaiko, Gipuzkoako eta Nafarroako pentsiodunen elkarteek Espainiako Gobernuko eta Diputatuen Kongresuko ordezkariekin biltzea eskatuko dute. Egungo eta etorkizuneko "pentsiodunen eskubideak bermatzea erakundeen ardura" dela azpimarratu dute, astelehenero bezala, gaur egin dituzten bilkuretan.
Azaroaren 29an Hego Euskal Herriko pentsiodunen elkarteen arteko batzarra egin zuten, egoera aztertu eta aurrera begirako irizpideak finkatzeko, eta bilera horretan hitz egindakoaren berri eman dute gaur Bilboko bilkuran.
Erakundeetan aurrekontuak negoziatzen ari diren honetan, pentsiodunek premiazkoa irizten diote eurak ordezkari politikoekin biltzea, "pentsioak direlako aurrekontuetako puntu garrantzitsuenetako bat".
Pentsiodun asko "prekarietatean" bizi direla gogoratu dute berriro, eta horiei "diru-laguntzak emanda arazoa ez dela konponduko" esan dute. "Pentsioen sistema publikoa pairatzen ari den erasoan dago arazoaren muina", nabarmendu dute.
Alderdi politikoetako ordezkariekin hainbat bilera egin dituzte azken hilabeteotan, eta batzar horietan "hitz politak bai, baina konpromisorik ez" dutela ikusi salatu dute. Halaber, Iñigo Urkullu EAEko lehendakariarekin eta Uxue Barkos Nafarroako presidentearekin biltzeko zain daudela jakinarazi dute.
Amaitzeko, abenduaren 15erako Hego Euskal Herriko hiriburuetan deitu dituzte manifestazioetan parte hartzeko deia egin dute berriro. 1.080 euroko gutxieneko pentsioa aldarrikatuko dute mobilizazio horietan, eta, aurrekoetan bezala, babes zabala espero dute. "Mobilizazioei eutsi, eta kaleak jendez betetzen jarraitu behar dugu", gaineratu dute.
Zure interesekoa izan daiteke
Hainbat enpresa batu dira Astore erosteko egin duten enkantera
Ternua taldeko ehungintza enpresa erosteko interesa agertu duten enpresa horiek beren eskaintza egin dute notario aurrean. Ebazpena urtarrila amaitu aurretik ezagutuko dela espero da.
EDA Drinks & Wine Campusaren Guardiako egoitza eraikitzen hasi da
Basque Culinary Centerren EDA Drinks & Wine Campusak Gasteizen eta Guardian izango dituen bi egoitzak aldi berean eraikiko dituzte, 18 milioiko inbertsioarekin. Helburua 2027-2028 ikasturtetik aurrera ikasleak jasotzen hastea da. Guardiako eraikinak 3.000 metro koadro erabilgarri inguru izango ditu.
EAEk % 6,3ko langabezia-tasarekin itxi zuen 2025a
Eustat Euskal Estatistika Erakundeak Biztanleria Jardueraren Arabera Sailkatzeko Inkesta (BJA) argitaratu du ostiral honetan. Bertan adierazten denez, urtearen amaieran langabezia-tasa puntu erdi jaitsi da 2025eko hirugarren hiruhilekoarekin alderatuta, hau da, 5.600 langabe gutxiago daude.
Langile bat larri zauritu da Zamudion, lan istripu batean
Ezbeharra 08:30ean gertatu da, Ugaldeguren industrialdeko enpresa batean. Antza denez, altzairuzko pieza batek azpian harrapatu du, eta larri eraman dute ospitalera.
Euskadik turismo eskaintza zabala aurkeztu du FITURen
EUSTATen arabera, Euskadik ia 4 milioi bisita izan ditu azken urtean, aurreko urtean baino % 3,5 gehiago. Gaualdiak ere beste horrenbeste igo dira. Jaurlaritzako Turismo saileko arduradunek "positibotzat" jo dituzte datu horiek.
3,9 milioi ostatu-gau egin dira 2025ean EAEko hoteletan, 2024an baino % 3,5 gehiago
2025ean zazpi milioi gaualdi baino gehiago egin ziren EAEko hoteletan, horietatik % 46 Bizkaian, eta % 41, Gipuzkoan. Araban, berriz, urteartean % 2,7ko jaitsiera izan da.
Otsailaren 16tik aurrera, medikuak astebete geldituko dira hilabetero, estatutu propioa eskatzeko
Lanuzte horietarako adostutako formatua hilabetero astebeteko greba egitea da; zehazki, otsailaren 16tik 20ra, martxoaren 16tik 20ra, apirilaren 27tik 30era, maiatzaren 18tik 22ra eta ekainaren 15etik 19ra daude deituta.
ENBA: "Aurrerapausoa da, baina borroka gogorrena Europako Parlamentuak ituna berresteko bozketa izango da"
Xabier Iraola ENBA baserritarren sindikatuko koordinatzailearen ustez, Europako Parlamentuaren erabakiak Mercosurrekiko ituna atzeratuko du, "aurrerapauso bat da”, eta sektorearen interesen alde mobilizatu diren pertsona guztiak zoriondu ditu. Hala ere, ohartarazi du Europako Parlamentuaren bozketa datozen hilabeteetan iritsiko dela, "otsailean edo martxoan".
Itunpeko hezkuntzako langileak, patronalarekin lortutako akordioak betetzea aldarri
ELAk adierazi du berak deitutako grebarekin bat egin zezaketen langileen herenak lanuztea egin duela. CCOO, Steilas, LAB eta UGT sindikatuek elkarretaratzeak egin dituzte eskola-orduen murrizketari buruzko epaiketa egin den epaitegiaren aurrean.
ELAk eta LABek espero dute auzitegiak LGS propioa "negoziatzera zigortuko" duela Confebask
Nolanahi ere, sindikatuek adierazi dute mobilizazioak "LGS propioa lortzeko aukera" benetan zehaztuko du, eta martxoaren 17ko greba orokorrean parte hartzeko deia egin dute. Confebaskek, bere aldetik, Euskadiko langile guztientzako LGS propioa "ez dela negoziagarria" defendatu du, "arau-tresna" dela argudiatuta.