Bilboko bi hoteleko gela-garbitzaileek % 48ko soldata igoera lortu dute
NH Villa de Bilbao eta Barcelo hoteletako gela-garbitzaileek lanuzteak bertan behera utzi dituzte % 48ko soldata igoera lortu ondoren, ELAk jakitera eman duenez. Langileek greba hasi zuten azaroaren 2an, lan-baldintzak hobetzea eskatzeko.
Barcelo Bilbao Nervion hoteleko gela-garbitzaileen kasuan, beharginek logela garbitu bakoitzeko 2,5 euro kobratzen zituzten (800 euro hilean, aparteko ordainsariak barne), “lege-iruzurreko kontratuak zituzten, gehienak behin-behinekoak, eta ratioak gehiegizkoak ziren”, ELAk agiri batean gogorarazi duenez. Sindikatuaren hitzetan, “lan esplotazio hutsa” zen.
NHren kasuan, duela bi urte baino gehiago gatazka izan ondoren, soldatak 13.000 euro gordinekoak zirela azaldu du sindikatu abertzaleak.
ELAk zehaztu duenez, NH Villa de Bilbao hoteleko azpikontrataren beharginek greba bertan behera utzi zuten abenduaren 12an, enpresarekin akordio bat adostu ondoren. 2019an soldatak % 30 gora egingo du (17.500 euro urtean), 2020an ostalaritza hitzarmena osorik aplikatuz (20.000 euro inguru).
ELAk goraipatu duenez, greba egin ondotik eta 13 hileko epe batean, “soldatek % 48 gora egingo dute, baita ostalaritzako lurralde hitzarmenean jasotako lan-baldintza guztiak aplikatu ere”.
Barcelo Bilbao Nervion hoteleko gela-garbitzaileen kasuan, soldata igoera % 30ekoa izango da 2019an (17.500 euro), 18.500 euro 2020an, eta 2021ean ostalaritza hitzarmena osorik aplikatuko zaie, urtean soldatak 20.000 euroak gaindituz.
Gainera, greban zehar kaleratutako edo kontratuak amaitutako langileak berriz onartuko ditu enpresak, eta gainerako behin-behineko beharginentzako lan-poltsa bat sortuko dute, eta kontratazioan lehentasuna izango dute.
Bi hoteletan, Constant enpresak lan-egutegi bat aurkeztuko du, txandak, librantzak, oporrak eta jaiegunak zehaztuz; batere ordainik gabe eta modu irregularrean gertatzen ari ziren lanaldi luzapenak bukatzeko.
Akordioa sinatuta, Barcelo Bilbao Nervion hoteleko beharginak lanera itzuliko dira asteazken honetan.
Albiste gehiago ekonomia
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.