24 orduko greba dute gaur Bilbobusen eta Bizkaibuseko linea batzuetan
24 orduko greba eguna dute gaur Bilbobusen eta Bizkaibus zerbitzuko linea batzuetan (Ezkerraldea Meatzaldea Bus, Pesalur eta Gam Txorierri), eta San Tomas eguna izaki, egun korapilotsua aurreikusten da Bilboko eta Bizkaiko autobus zerbitzuan. ELA sindikatuaren esanetan, grebaren jarraipena % 100ekoa izaten ari da, eta, hori dela eta, deialdiak "erabateko arrakasta" izan duela esan dute.
Orotara, 2.000 langile daude greba egitera deituta, eta 250.000 erabiltzaile ingururi eragingo die.
Greba deialdiak Ezkerraldean, Enkarterrin, Durangaldean, Arratian, Nerbioi Garaian eta Txorierrin dabiltzan autobusei eta aireportura doazenei eragingo die.
Eusko Jaurlaritzak % 30eko gutxieneko zerbitzuak ezarri ditu, eta gutxieneko zerbitzu horiek normaltasunez betetzen ari dira, ELA sindikatuaren hitzetan.
Bilbobuseko eta Bizkaibuseko hiru enpresa horietako langileek hiru manifestazio egingo dituzte goizean zehar. Bilboko kaleetan zehar ibili ostean, Bizkaiko Foru Aldundiaren egoitzaren aurrean eta Bilboko udaletxearen atarian amaituko dituzte protestak.
Atzo, langileen eta Bilbobuseko zuzendaritzaren arteko akordioak gertu zirudien, baina iluntzean egindako azken bileran negoziazioak hautsitzat eman dituzte eta San Tomas eguneko greba deialdiari eutsi diote.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.