EH Bildu Osakidetzaz: 'Konponbidea ez da aurpegi bat besteagatik aldatzea'
Osakidetzaren arazoen "konponbidea ez da makillajea egitea, aurpegi bat besteagatik aldatzea", esan du EH Bilduk, eta "aldaketa sakonak" egiteko eskatu dio Osakidetzari, Juan Carlos Soto Giza Baliabideetako zuzendariaren dimisiotik "haratago".
Azken Lan Eskaintza Publikoan izandako irregulartasunek "arazo estruktural" bat dagoela erakusten dutela salatu du Rebeka Ubera legebiltzarkideak, eta dimisioez gain beste neurriak hartzea beharrezkoa dela defendatu du.
Azaroan, Maria Jesu Mugicak Osakidetzako zuzendari nagusiaren kargua utzi zuen, eta orain Sotok bide bera jarraituko du.
EH Bilduko ordezkariak komunikatu batean azpimarratu duenez, berandu izan arren, azken LPEan gertatutakoagatik "erantzukizun pertsonalak bere gain hartu dituzte" zenbait karguk.
"Lagunkeria eta entxufismoa"
Uberaren arabera, "Osasun saila haratago joan behar da, azken LPEan gertatutako irregulartasunak berriz errepika ez daitezen". Horrela, koalizioaren arabera, Osakidetzaren berrantolaketaz gain, "pertsonalaren eredua aldatzeko neurri zuzentzaileak" martxan jarri behar dira.
Bestela, esan du, "irregulartasunak hurrengo lan eskaintzetan errepikatuko dira". Arazoa "Osakidetzaren langileen politika osora hedatzen" dela uste du Uberak.
Eredu horren funtzionamendua eta postuak izendatzeko modua "lagunkeria eta entxufismoan oinarritzen" dela uste du uberak.
Egoera horren aurrean, oposaketen eta giza baliabideen eredu berri bat martxan jartzeko eskatu du, "Funtzio Publikorako sarbidean meritu, gaitasun, objektibotasun eta aukera berdintasun printzipioak" errespeta daitezela bermatzeko.
Zure interesekoa izan daiteke
Horrelakoa izango da Bekadunaren Estatutu berria: gastuen konpentsazioa, praktiken muga eta enpresei kontrol gehiago
Espainiako Gobernuak Bekadunaren Estatutuaren aurreproiektua onartu du, prestakuntza praktikoan dauden pertsonen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.