Bertan behera utzi dute behin-behinean Anestesiari dagokion hautaproben errepikapena
Gasteizko Administrazioarekiko Auzien 3. zenbakiko Epaitegiak kautelaz bertan behera utzi du 2016-2017ko Lan Eskaintza Publikoaren Anestesia eta Suspertze atalari dagozkion hautaproben errepikapena, azterketetan izandako ustezko filtrazioen ostean.
Patxi Nicolau ESK sindikatuko ordezkariak Epaitegiaren erabakiaren nondik norakoak azaldu ditu prentsaurrekoan; agerraldian ere, Roberto Sanchez anestesiako hautaprobetan izandako ustezko irregulartasunak salatu zituen medikuetako bat izan da.
Sanchezekin batera, beste bi medikuk salatu zituzten ustezko irregulartasunak azterketetan, eta hori dela eta, "EAJk Sabin Etxetik kontrolatzen dituela" kritikatu du Sanchezek; hirurak Debagoineko Ospitaleko anestesistak dira. Gainera, Osasun Sailak eta Osakidetzak beraien aurkako "mendekua" hartu duela eta "ezkutuko kaleratzeak" egiten ari direla salatu du.
Irregulartasunen harira, Osakidetzak abiatutako barne ikerketaren ondorioetako bat hiru espezialitatetako hautaproben azterketak errepikatzea izan zen: Kardiologian, Anestesia eta Suspertze atalean, zein Angiologian eta Kirurgia Baskularrean, hain zuzen.
Justiziak "Darpon jaunari aurre egin izana positiboa" da, esan du Nicolauk. Bestalde, lan eskaintza publikoen eredu berria prestatzeko Eusko Legebiltzarrean batzordea sortzeko eskatu du.
Ildo horretan, Osasun Sailak irregulartasunak saihesteko iragarritako neurriak "auzia ixteko aurpegi-garbiketa hutsa dela" salatu du Nicolauk. Hori dela eta, "bide judiziala gauzak konpontzeko bide bakarra izatea" deitoratu du.
Bestalde, Osakidetzako Zuzendaritza Nagusiak "errespetu osoz" hartu du Epaitegiaren erabakia, eta ebazpen horrek "ez duela auziaren mamia epaitzen; aitzitik, behin-behineko neurria da, behin-betiko epaia eman artekoa dela" gaineratu du.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.