Urte bukaeran errepikatuko ditu Osakidetzak hiru kategoriatako azterketak
Osakidetzako LEParen azterketak "urteko azken hiruhilekoan" errepikatuko dituzte, Kardiologia, Anestesia, Angiologia eta Kirurgia Baskularra kategorietan, Maria Jesus Mugica Osakidetzako zuzendari nagusiak adierazi duenez.
Halaber, azaldu duenaren arabera, "orokorrean" Osakidetzako azken LEParen azterketak egin zituzten epaimahaiek erabakiko dute oraingoan ere.
Mugicak Osakidetzaren aurtengo lehen seihilekoaren balantzea aurkezteko egin du prentsaurrekoa gaur, ostirala, Gasteizen. Han, kazetariek Osakidetzako LEPa dela eta abiarazitako ikerketengatik galdetu diote, baita Euskal Osasun Zerbitzuko barne-promoziorako prozesu baten harira irekitako informazio espedienteari buruz ere.
Mugicak "zuhurtzia eta zorroztasuna" eskatu du eta, gainera, "lasaitasuna helarazi" nahi izan die oposizioa egin dutenei, prozesuak "normaltasun osoz" jarraituko duela ziurtatuta.
Espedientea Txagorritxun
Bestalde, Arabako Unibertsitate Ospitaleko (AUO) barne-promozio prozesu bat dela eta irekitako informazio espedientea kasu "bakana" izan dela ziurtatu eta txostenaren ondorioak jaso arte itxarotea eskatu du.
EH Bildu Osasun Sailari zuzendu zitzaion aurreko astean Legebiltzarreko batzordean, AUOko barne-promozio prozesu batean "irregulartasunak" izan direla jakanarazi baitzioten mezu anonimo baten bidez.
Mugicak gogorarazi duenez, informazio espedientea ireki dute, baina uko egin dio horren inguruan erantzuteari, oraindik ez baita bukatu. Halere, kasu "bakana" izan dela esan du.
"Utz dezagun informazio espedientea buka dezaten, eta ikus dezagun zeintzuk diren ondorioak", esan du. Gainera, Osakidetza barne promoziorako prozesuek "arautuak" daudela gogorarazi eta, "orokorrean, bete egiten direla" esan du.
Ikerketa noiz bukatu zain
Horrez gain, ez du azaldu zein egoeratan dauden lau espediente berriak, eta berretsi egin du bukatutakoan Osakidetzak "dagokion informazioa emango" duela.
Osakidetzako zuzendari nagusiaren esanetan, "zerbait atzematen den kategorietan, Osakidetzak beharrezkotzat jotzen dituen ekintzak burutko ditu edonolako zalantza argitzeko".
Zure interesekoa izan daiteke
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.