Ostiralean aurkeztuko ditu Sanchezek talde guztiekin negoziatuko dituen Aurrekontuak
Pedro Sanchez Espainiako Gobernuko presidenteak, Efe albiste agentziak egin dion elkarrizketan, baieztatu du ostiraleko Ministroen Kontseiluan onartuko dutela 2019ko Estatuko Aurrekontu Orokorretarako lege proiektua. Ondoren, egitasmo horren tramitazioa hasiko dute, horretarako behar duten babesa bermatuta ez badute ere.
Berriro ere, legealdia presidente karguan agortzeko asmoa erakutsi du Sanchezek, Kataluniako aferan elkarrizketaren aldeko apustua egin du, eta PPk eta Ciudadanosek azkenaldian erakutsitako jokabidea salatu du. Halaber, popularrek Sanchezen heriotzari buruz zabaldutako bideoa kritikatu, Francoren gorpua hobitik ateratzeko prozesuan izandako atzerapenak onartu, Idoia Mendiak Arnaldo Otegirekin egindako argazkia defendatu eta espetxealdi iraunkor berrikusgarria indargabetzea baztertu du, Auzitegi Konstituzionalaren erantzunaren zain.
2019ko Estatuko Aurrekontu Orokorrak
"Espainiako Gobernuaren planteamendua Aurrekontuak aurkeztea da, eta horixe egingo dugu urtarrilaren 11ko Ministroen Kontseiluan, hots, hurrengo ostiralean. Espainiak aurrera egitea izango da Aurrekontuen helburua, alegia, gizarte politikan, ekonomiaren hazkundean, lanpostu berrien sorreran eta lan duintasunean aurrerapausoak ematea. Hortaz, zentzu komunez betetako Aurrekontuak izango dira, eta gure herrialde honetan beharrezkoak diren gizarte balioak izango dituzte oinarri", esan du.
Negoziazioei dagokienez, Sanchezek nabarmendu du indar politiko guztiekin hitz egingo dutela: "Alderdi independentistekin ez ezik, horien babesa soilik ez bilatzeko eskatu diguten taldeekin ere negoziatuko dugu. Ciudadanosekin eta PPrekin ere batuko gara", azpimarratu du.
Ildo horretan, argi utzi du lanpostu berriak sortzeak, ekonomikoki hazten jarraitzeak eta lan baldintzak duintzeak daukan garrantzia.
Zure interesekoa izan daiteke
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.