Bertan behera utzi dituzte Ezkerraldeko eta Enkarterriko Bizkaibusen lanuzteak
Ezkerraldea-Meatzaldea Bus (EMB) emakidadun enpresako langileek bertan behera utzi dute urtarrilaren 8rako aurreikusita zuten 24 orduko greba, zuzendaritzak proposamen bat helarazi baitie, eta bilerak egingo dituzte horren inguruan eztabaidatzeko. EMB Bizkaibusen zerbitzuaren arduraduna da Ezkerraldean eta Enkarterrin.
CCOO sindikatuko iturriek jakinarazi dutenez, sindikatuen "gutxieneko premisak" betetzen dituen proposamena egin zien enpresako zuzendaritzak atzoko bileran, baina langileen esku utzi dute proposamena onartzea ala mobilizazioak egiten jarraitzea.
CCOO enpresa-batzordeko sindikatu nagusia da, sei ordezkari baitauzka, UGT sindikatuak adina; ELAk, berriz, lau ditu, eta LABek bat. CCOOren arabera, proposamena "eztabaidatzeko modukoa" da eta "aurreakordioa hitzartzeko oinarria" izan daiteke.
Hori dela eta, gaurko deituta zegoen lanuztea bertan behera utzi eta biltzarrak egin dituzte, goizez eta arratsaldez, langileei eskaintza horren berri emateko. Langileen gehiengoak enpresak egindako azken eskaintza onartzea babestu du.
Hortaz, bertan behera geratu dira EMBko langileek astelehenetik ostiralera urtarrilean egin behar zituzten 24 orduko lanuzteak, eta otsailaren 1ean hastekoa ziren greba mugagabea.
Bestalde, Pesalur enpresako langileek mobilizazioak egiten jarraitu dute lan-hitzarmena negoziatzea eskatzeko, eta 24 orduko greba egiten ari dira gaur Durangaldeko, Nerbioi Garaiko eta Arratiako zerbitzuan.
ELAko iturrien arabera, Pesalur enpresako langileen erantzuna erabatekoa izan da. Urtarrilaren 14an eta 17an ere, 24 orduko greba egingo dute, eta greba mugagabea egingo dute urtarrilaren 21etik aurrera.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzen prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.