Iruñeko aurrekontu proiektua atzera bota dute, Aranzadiren babesik jaso ez duelako
Iruñeko Udalak atzera bota du 2019ko aurrekontu proiektua. Guztira, 213.680.000 euroko aurrekontua zuten urte honetarako, Geroa Baik, EH Bilduk eta Izquierda-Ezkerrak lortutako akordioari esker, baina Aranzadiren abstentzioak bertan behera utzi du egitasmoa.
Horrenbestez, 2018ko diru kopuru berbera izango dute erabilgarri; hots, 187,9 milioi euro.
Patricia Perales EH Bilduko Tokiko Ekonomia zinegotziak, proiektua babeste aldera, argi utzi du ez direla Gobernu taldearen kontuak, "gure herriaren aurrekontuak baizik". Horregatik, nabarmendu du aurten ere gastu eta inbertsio ahalmena handitu egin dela, hain zuzen ere, 17 milioi eurora iritsi dela.
Enrique Maya UPNko bozeramaileak, bestalde, ezezkoa eman dio proiektuari, "ezezko handia, guk geuk dugun ereduarekin eta iruindarren interesekin zerikusirik ez dutelako".
Geroa Baiko Javier Leozek aipatu koalizioak EH Bildurekin eta Izquierda-Ezkerrarekin lortu zuen akordioaz mintzatu da, batik bat. Ildo horretan, azpimarratu du % 4,26ko hazkundea proposatzen zutela, iazko aurrekontuekin alderatuta.
Maite Esporrin sozialistak, aitzitik, kritikatu egin du aurrekontu proiektua: "Ez dute ezer berririk ematen", esan du. Halaber, salatu du Gobernu taldea behin eta berriro dabilela "aurrekontuak saltzen, baina ez dituztela mamitzen".
Proiektua errefusatu ostean, Aranzadiko Manuel Millera ere mintzatu da 2019ko kontuei buruz. "Triunfalismoa" egotzi dio Peralesi, eta nabarmendu du "akordioaren parte handi bat ez dutela bete".
Bukatzeko, I-E alderdiko Edurne Eguinok adierazi du "aldaketa sakonagoak nahi zituela, ezkertiarragoak, berritzaileagoak eta arinagoak".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.