Atxondo-Abadiño zatiko lanak lizitatu dituzte, 115,43 milioi euroan
Adifek 115.437.928 milioi euroan lizitatu ditu Gasteiz-Bilbo-Donostiari dagozkion Abiadura Handiko Trenaren Atxondo-Abadiño zatiko lanak; lanek 30 hilabete iraungo dute.
Adifek jakitera eman duenez, EAEtik igarotzen diren Abiadura Handiko Treneko linea guztien lanak kontratatuta edo abian dira jada, Elorrio-Elorrio zatiarenak izan ezik, idazketa fasean baitago proiektua.
Hori horrela, Adifeko arduradunen esanetan, "azpiegituraren garapenari bultzada erabakitzailea emango diogu".
Atxondo-Abadiño zatia Elorrio, Atxondo eta Abadiñotik igarotzen da. Bide nagusiak 5.660,77 metro eta bi noranzko izango ditu; gainera, bide bakarreko bi adar izango ditu, 914,51 eta 941,48 metrokoak hurrenez hurren.
Besteak beste, proiektua aurrera ateratzeko lurrak mugituko dituzte eta plataformaren eta bideen drainatze transbertsala egiteaz gain, areken eta zorroten definizioa gauzatuko dute.
Gainera, errepideak eta ur-lasterrak gainditzeko zortzi zubi eraikitzeko asmoa dute, baita gaineko hiru pasabide eta tarteko puntu ezberdinetan beharrezkoak diren bide eta sarbide guztiak ere.
Trenbide bikoitzari itsatsita plataforma bat eraikiko dute, eraikin tekniko bat hartzeko: guztira, 3.000 metro karratuko azalera izango du. Hala ere, egoitza hori eraikitzeko beste kontratu bat egingo da. Instalazio lagungarrientzako eta lurra pilatzeko beste 15.000 bat metro karratu izango dituzte.
Larrialdi irteera berriak
Era berean, Gasteiz-Bilbo-Donostia abiadura handiko tartearen tuneletan, Arabako eta Bizkaiko hiriburuak lotzen dituen ibilbidean, larrialdi irteera berriak eraikitzeko lanak lizitatu ditu Adifek: 39.401.342 euro.
Lanak bukatzeko 27 hilabete beharko dituzte. Eskoriatza, Aramaio, Arrasate, Elorrio, Durango, Izurtza, Zornotza, Lemoa, Galdakao eta Zaratamon ebakuaziorako 10 galeria egingo dituzte zazpi tuneletan.
Kasu guztietan, ebakuaziorako zuloak tunel nagusiarekin paraleloan joango dira, 30 metroko distantziara. Horrela, irteera beti egongo da eraikitako ebakuazio plataforma batean, Adifek azaldu duenez.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.