Taxi eta VTC sektorearen jarduera arautuko dute Euskal Autonomia Erkidegoan
Taxiaren Euskal Federazioa, Araba, Bizkaia eta Gipuzkoako alokairuko auto gidaridunen ordezkariak eta Eusko Jaurlaritza elkarlanean arituko dira sektorea arautuko duen proposamen bat egiteko.
Joan den abenduan sinatu zuten akordioa hiru aldeek eta gaur lehendabiziko bilera teknikoa egin dute. Batzorde horretan Eusko Jaurlaritza, udalak, erabiltzeak, taxilariak eta alokairuko auto txoferdunak daude. Hilabetean behin batzartuko direla jakinarazi dute.
Foro horretako ordezkariek uko egin diote gatazka kalera ateratzeari, euskal gizarteak eta bertara datozen bisitariek prozesu hau "normaltasunez" egin daitekeela eta bi zerbitzuek "kalitatea eta profesionaltasuna" bermatzen dutela ikus dezaten.
Halaber, Euskal Autonomia Erkidegoko egoera Madril edo Bartzelona bezalako hiriekin alderatu ezin daitekeela uste dute.
Sektorea aro berrira egokitu behar dela ulertzen dute, eta horretarako teknologia berriak nahiz gutxiago kutsatzen duten ibilgailuak erabili behar direla babestu dute, "garraiobide jasangarria sustatuz".
Oinarri horiek kontuan hartuta, Eusko Jaurlaritzak sektorean existitzen diren bi negozio ereduen jarduera arautu nahi du, "bien eskubideak eta betekizunak zehaztuta".
Egun, Euskal Autonomia Erkidegoan 2.137 taxi daude; alokairuko auto gidaridunak, berriz, 95 dira. Hau da, alokairuko txoferdun auto bakoitzeko 23 taxi daude.
Horrez gain, 264 eskaera egin dira VTC baimena eskuratzeko. Alabaina, Eusko Jaurlaritzak uste du ez direla guztiak onartuko, Auzitegi Gorenak Estaturako ezarri zuen ratioa (1/30) gainditzea ekarriko lukeelako horrek.
Bestalde, Uber eta Cabify plataformek Eusko Jaurlaritzarekin biltzea galdegin dute, baina Gobernuak azpimarratu du araudia egin artean ez dela haiekin batzartuko.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.