Naval ontziolako langileak kaleratzearen aurka agertu dira Ezkerraldeko alkateak
Sestaoko Navalen lanpostuak suntsitzeko lan-erregulazio espedientearen aurka agertu dira Ezkerraldeko alkateak, eta ontziolaren defentsan datorren ostegunean antolatu duten manifestazioa parte hartzeko deia egin dute.
Eskualdeko alkateek adierazpen bateratua egin dute gaur, ontziolaren itxiera salatuz eta langile guztiei beren babesa helaraziz. Agiria langile batzordeko bozeramaileek irakurri dute, ondoan Barakaldo, Sestao, Portugalete eta Santurtziko alkateak zituztela.
Naval "ontziola bideragarria" eta "goi-mailako ontziak" egiteko ahalmena baduela azpimarratu dute, hamabost egunetan behargin guztiak kalean egon daitezkeela ohartarazita.
Gauzak horrela, langileen batzordeak eta lau alkateek modu bateratuan datorren ostegunerako deitu duten manifestazioan parte hartzeko eskatu diete herritarrei.
Martxan 18:00etan abiatuko da Sestaotik, eta Santurtzin amaituko da, Portugaletetik igaro ostean.
Bilerak talde parlamentarioekin
Bestalde, Juanjo Llorden langileen batzordeko idazkariak azaldu duenez, otsailaren 6an beharginak Madrilera joango dira eta Diputatuen Kongresuaren aurrean elkarretaratzea egingo dute, Reyes Maroto Industria ministroak agerraldia egingo duela baliatuta.
Goizean, langileen batzordeko kideak talde parlamentarioekin guztiekin biltzea eskatu dute. Oraingoz, Unidos Podemos, PP eta Talde Mistoarekin batzartuko direla baieztatu dute.
Espainiako Gobernuarekin, Eusko Jaurlaritzarekin, federazioekin eta sindikatuekin osatutako negoziazio mahai bat ahalik eta azkarren martxan jartzea galdegingo dute.
Bestalde, otsailaren 12an Kongresuaren aurrean Ezkerraldeko alkateek babestuta egin behar zuten mobilizazioa bertan behera uztea erabaki dute, egun horretan Kataluniako buruzagi independentisten kontrako epaiketa hasiko delako eta, ondorioz, beren ekimenak ikusgarritasunik izango ez lukeela iritzita.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.