La Navaleko langileek egoerari irtenbidea ematen dionari botoa emango diote
La Navaleko langileek elkarretaratzea egin dute gaur (osteguna), Bilbon, Bizkaiko Foru Aldundiaren aurrean. Maiatzean udal eta foru hauteskundeak zein Europakoak izango direla azpimarratu dute; eta, horrenbestez, ontziolaren egoerari "irtenbidea ematen dion alderdiari" botoa emango diotela ohartarazi dute.
Juanjo Llorden enpresa-batzordeko idazkari nagusiak hedabideen aurrean gogora ekarri duenez, orain lau urte alderdi politiko guztiek ontziola "zabalik" nahi zutela adierazi zuten. Beraz, orain ontziolaren alde "dena emateko" eskatu die alderdiei, "ahalegin guztiak egiteko unea heldu delako".
Langileen ordezkariaren esanetan, La Navaleko langile guztiak kaleratzea eta ontziola inbertitzaile nagusi baten esku jartzea proposatu zuten alderdiek eta konkurtso administratzaileak; Llordanen ustez, ordea, hori ez da irtenbidea.
Llordanen ustez, langile guztiei eragiten dien lan-erregulazioko txostena saihesteko, Espainiako Gobernuak eta Eusko Jaurlaritzak erosi beharko lukete ontziola, horrek ziurtatuko bailukeelako ontziolak langile guztiekin "aurrera jarraituko duela". "20 hilabete dauzkagu aurretik eskuartean dugun lana amaitzeko eta hori ezin dugu galtzen utzi", esan du.
Datorren astea "garrantzitsua" dela azpimarratu du langileen ordezkariak, urtarrilaren 10ean Madrilen bilduko baitira SEPI eta UGT eta CCOO sindikatuetako ordezkariekin. Bestalde, egun bat beranduago, urtarrilaren 11n, negoziazio mahaiaren hirugarren bilera izango dute Industria Ministerioak, Eusko Jaurlaritzak, sindikatuek eta La Navaleko enpresa-batzordeak.
Bilera horretatik ontziola erosteko "konpromisoren bat ateratzea" espero duela esan du Llordanek, "gezurra" baita ontziola erosteko aukerarik ez dagoela. Llordanen ustez, politikarien "borondatea" beharrezkoa da ontziolak aurrera jarraitzeko.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).