EAEko administrazioek energia kontsumoa % 35 murriztu beharko dute 2030erako
EAEko administrazio publikoek % 35 murriztu beharko dute energia kontsumoa 2030erako, eta % 60 2050erako. Gainera, 2020tik aurrera erakundeek dituzten ibilgailuek soilik erregai alternatiboak erabili ahal izango dituzte.
Hori da, hain zuzen, ostegun honetan Eusko Legebiltzarrak onartu duen Euskal Autonomia Erkidegoko administrazio publikoen jasangarritasun energetikoari buruzko legeak dioena. Legeak alderdi guztien babesa jaso du, abestenitu den PPrena izan ezik.
Legeak nagusiki erakundeei eragiten badie ere, sektore pribatua (industriak, saltokiak eta bestelako zerbitzuak) arautzeko planifikazio energetikoa ere ezartzen du. Hala ere, industrian legeak sektore publikoan izango duen "eragin handia" izango ez duela esan du Arantxa Tapia Ekonomiaren Garapeneko eta Azpiegituretako sailburuak.
Hori horrela, erakunde bakoitzak erabiltzen duen energiaren % 32 erakundearen eraikin bakoitzean ezarritako energia iturri jasangarritik lortu beharko duela ezartzen du legeak.
Eusko Jaurlaritzak, hasiera batean, 100 milioi euro bideratuko ditu aipatutako neurriak eta legean ezarritako gainerakoak abian jartzeko. Laguntza horri esker, udalek eta gainerako herri erakundeek beharrezko inbertsioak egin ahal izango dituzte.
Legeak EAEko administrazio guztiengan izango du eragina. Guztira, faktura elektronikoan 700 milioi euro aurreztea lortu nahi da, horretarako, 460 milioi euro inguruko inbertsioa egin beharko dela uste delarik.
Eraikin guztiek Efizientzia Energetikoaren Ziurtagiria izan beharko dute. Gainera, administrazio guztiek plan energetiko bat garatu beharko dute, energia kontsumoa xehatzen eta jasangarritasun energetikoa lortzeko hartuko dituzten neurriak azaltzen.
Bestalde, herrietako udalek erregai alternatiboak erabiltzen ez dituzten edo emisio kopuru jakin bat gainditzen duten ibilgailuei zenbait tokitan sartzeko debekua edo murriztapena ezarri ahal izango diete.
Halaber, eraikin publiko berriek ibilgailu elektrikoak kargatzeko eta bizikletentzako guneak izan beharko dituzte.
Eremu pribatuan (industria, zerbitzu eta saltokietako sektoreetan) taldeen, eraikinen, beroketa eta errefrigerazio sistemen eta ibilgailuen eta argiztapenaren auditoria energetikoak egin behar izango dituzte.
Era berean, txanda bakoitzeko ehun langile baino gehiago dituzten enpresetan garraio publikoa eskaintzen duen plan bat izan beharko dute, eta hidrokarburoen kontsumoa murriztu beharko dute 2031rako.
Berogailu zentralak dituzten eraikinetan etxe bakoitzak bere kontadore indibiduala izan beharko du.
Tapiaren esanetan, legea "oso zorrotza" da sektore publikoan eta malguagoa pribatuan, azken horretan bateragarri egin behar baitira lehiakortasuna eta eraginkortasun energetikoa.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.