Batzordeak ondorioztatu du saihes zitekeela CAN desagertzea
Nafarroako Kutxaren (CAN) desagerpena ikertu duen batzordeak onartu egin ditu laukoaren (EH Bildu, Geroa Bai, Podemos eta Ezkerra) ondorioak, eta kutxaren desagerpena saihestu egin zitekeela ebatzi du. Datorren ostegunean emango zaio behin betiko onarpena txostenari, eta UPN, PSN eta PPN kontra daude.
2016ko apirilean osatu zuten batzordea, eta iazko apirilean hasi ziren agerraldiak. Gaur taldeen ondorioak eztabaidatu eta onartu dituzte, eta datorren asteko osoko bilkuran emango zaie behin betiko onarpena.
Laukoa osatzen duten alderdiek txosten bakarra aurkeztu dute, eta UPNk eta PSNk bana. Bi horiek, PPNrekin batera, laukoaren ondorioen aurka jo dute.
Koldo Martinez Geroa Bairen bozeramaileak uste du CANen desagerpena "saihestu" egin zitekeela eta Estatuko kutxa guztiek jasan zutela "ekaitz" bera, baina desberdintasuna Enrique Goñi zuzendariaren erabakietan egon zela: "Erabaki estrategiko desberdinak hartu zituen".
Arantxa Izurdiaga EH Bilduren legebiltzarkideak uste du Goñiren kudeaketa "akatsez, gehiegikeriez eta arrazoitzeko zailak diren operazioez josia" egon zela, ez ziola "interes orokorrari erantzuteko helburuari jarraiten, baizik eta interes partikularrari".
Tere Saez Podemos-Orain Baikoak salatu du UPNren Gobernuak "nahita" ez zituela ikuskaritza lanak egiten, "etekinak lortu ahal izateko".
Marisa Simonen (Ezkerra) arabera, "argi" geratu da "erabaki batzuek eragina izan zutela CANen kaudimen galeran", eta "erabakigarriak" izan zirela erakundea desagertzeko. "Erabaki okerrak hartu zituzten", adierazi du, UPNren utzikeria kritikatu ostean.
Luis Zarraluqui UPNren bozeramaileak salatu du gaur onartutako ondorioak "jakinak" zirela eta "Espainiako Bankuaren eta epaitegien erabakietatik urrun" daudela.
PSNtik, Guzman Garmendiak bat egin du laukoarekin "UPNk ezer ere ez" zuela egin eta "utzikeriaz" jokatu zuela esatean, baina salatu du alderdiak pertsona baten aurka aritu direla, politikaria ez zen pertsona baten aurka, eta "amorrutik" idatziak direla ondorioak.
Javier Garcia PPren bozeramaileak esan du ez dagoela "ezustekorik" ondorioetan, eta "CANen antzerkia" amaitu izana txalotu du.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.