Iberdrolak Galan presidente izendatu du berriz
Iberdrolako Akziodunen Batzarrak Administrazio Kontseiluko kideen izendapenak onartu ditu gaur, botoen % 98rekin, besteak beste, Ignacio Sanchez Galan presidentearena. “Haritza zaharrak urtadar” asko ditu etxe barruan, azpimarratu du Galanek hitzaldian, bere ordezko posibleari erreferentzia eginez.
Iberdrolak Akziodunen Batzarra egin du ostiral honetan, Bilbon. Laugarrenez Sanchez Galan izendatu du presidente. Horrela, beste lau urteko legealdia izango du Galanek. 2006az geroztik da presidente. 2001eko maiatzetik konpainiako presidenteorde eta kontseilari delegatua ere izan da.
Galanek emaitza "historikoen" bermearekin hautagaitza aurkeztu du argindar konpainiak egin duen akziodunen batzarrean. "Konpainia handiago, internazionalago, dibertsifikatuago, sendoago eta errentagarriago bat dugu", azpimarratu du.
Galanen esanetan, 2018-2022 plan estrategikoan murgilduta dago Iberdrola, eta "etorkizunera begira garapen aukera handiak ditu".
"Duela 20 urte martxan jarri genuen hazkunde jasangarriaren estrategiari esker lortu dugu", adierazi du.
Hori horrela, 2018 ekitaldiko "emaitza historikoak" aurkeztu ditu batzarrean. "Konpainia honek, 100 urteko historian, lehen aldiz gainditu zituen 3.000 milioi euroko etekinak. Antzinako pezeten bilioi euro —b-rekin idatzia—", azpimarratu du.
Iberdrola, "Euskadiren motorretako bat"
Galanek nabarmendu duenez, Iberdrolaren jardunaren eragin sozio-ekonomikoa 1.637 milioi eurokoa izan zen Euskadin 2018an. Iazko ekitaldian, 690 milioiko balioa zuten erosketak egin zizkien 1.000 bat enpresari, eta 100 milioiko inbertsioa egin zuen. 2018-2022 aldirako, berriz, 10.000 milioiko eragina espero da, eta 4.000 milioiko balioa duten erosketak.
Iberdrolaren presidentearen hitzetan, kopuruok agerian utzi dute argindar konpainia "Euskadiren motorretako bat" dela. Eragin fiskalari dagokionez, 707 milioi baino gehiagokoa izan dela adierazi du Galanek. Soldatek eta bestelako ordainketek, esaterako, 141 milioi euroko balioa izan dute, presidentearen arabera.
Sanchez Galan, gaur Bilbon. Argazkia: EFE
Dibidendua igotzea proposatu du
Etekinon harira, akziodunen dibidendua % 7,7 igotzea proposatu du, akzioko 0,351 euroraino. "Inoiz ordaindu den dibidendu handiena" dela nabarmendu du.
"Iberdrolak Espainian dituen hiru lehiakideen balioa bikoizten du, eta munduko lehen bost argindar enpresen artean dago; 2001ean, 20. postuan geunden. Burtsa-balioari dagokionez, Ibex35ean kotizatzen duten enpresen artean hirugarrenak gara (Inditex eta Santander daude aurretik)", adierazi du.
Nabarmendu duenez, konpainiaren jardunaren eragina 11.000 milioi eurokoa, da, hots, Espainiako Estatuko Barne Produktu Gordinaren (BPG) % 1.
2019ari dagokionez, enpresak hazten jarraituko duela esan du Galanek, "sareko aktibo erregularretan egindako inbertsioak bizkortzeari eta ahalmen berriko 6.000 megawatteko potentziari esker".
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.