AP-68 autobidearen transferentziarekin, EAEko errepide guztiak aldundien esku daude
Eusko Jaurlaritzak eta Espainiako Gobernuak atzo itxi zuten AP-68 autobidearen transferentzia eskualdatzeko akordioa eta gaur arratsaldean sinatu dute ituna. Eskumen hori gauzatuta, Euskal Autonomia Erkidegoko errepide guztiak foru aldundien esku egongo dira.
Jaurlaritzak Arabako eta Bizkaiko aldundien esku utziko du autobide horren gaineko ardura. 2026a arte Abertis konpainiak kudeatuko du, eta ordura arte ordainpekoa izango da. Diputazioek erabakiko dute urte horretatik aurrera doanekoa izatea edo ez.
Zehazki, 77,5 kilometroko tartea utzi du Euskal Autonomiaren Erkidegoko erakundeen esku: Bilbotik Burgoseraino doan tartea, hain zuzen ere.
Transferentzien Batzorde Mistoa gaur arratsaldean bildu da bideokonferentzia bidez eta ituna sinatu dute. Eusko Jaurlaritzaren ordezkaritza Josu Erkoreka, Pedro Azpiazu eta Arantxa Tapia sailburuek osatu dute. Espainiako Gobernuaren izenean, berriz, Jose Ignacio Sanchez Amor Lurralde Politikako Estatu idazkaria eta Jesus Loza Gobernuak EAEn duen ordezkaria izan dira. Meritxell Batet Lurralde Politikako ministroak ez du parte hartu apirilaren 28ko hauteskundeetan hautagaia delako.
Azken asteotan bi aldeak lau transferentzia negoziatzen aritu dira. Hauteskunde kanpaina hasi aurretik akordio bat lortzea zen haien asmoa, baina ezinezkoa izan da, arlo ekonomikoan ezberdintasunak dituztelako.
Astelehenean, baina, AP-68 autobideari buruzko akordioa itxi zuten eta gaur sinatu dute ituna.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.