MásMóvil konpainia gipuzkoarra IBEX 35ean sartuko da ekainaren 24an
MásMóvil Taldea telekomunikazioko konpainia IBEX 35 Espainiako burtsaren adierazle nagusian sartuko da ekainaren 24an, Técnicas Reunidas ordezkatuz, burtsa adierazlearen Aholku Batzorde Teknikoak ostegun honetan jakinarazi duenez.
MásMóvil Gipuzkoan sortu zuten, eta 2017ko uztailaren 14an kotizazio merkatura egin zuen salto, Burtsa Merkatu Alternatiboan (MAB) bost urte eman ondoren. Orain, IBEXean sartu ostean, Espainiako 35 konpainia nagusietako bat bilakatuko da.
IBEX 35aren Aholku Batzorde Teknikoak MásMóvil barneratzea adostu du ohiko bileran. Gaurko saioan, konpainiak % 1,46 egin du gora, eta akzioa 20,80 euroan kokatu da. Dagoeneko, 2.500 milioiko kapitalizazioa lortu du.
Balio horrek beste konpainia askorena gainditzen du, eta, kapitalizazioaren arabera, MásMóvil zazpigarren tokian sailkatuko litzateke. Gaur egun, Técnicas Reunidasek du leku hori. Azken horrek % 0,09 egin du gora gaurko saioan, eta 23,32 euro akzioko eta 1.303,2 milioi euroko kapitalizazioa lortu ditu.
Arantxa Tapia Ekonomiaren Garapenerako sailburua pozik agertu da, "esanguratsua baita, MásMóvil Taldearentzat zein euskal enpresentzat jauzi kualitatiboa delako".
MásMóvil konpainiak Zuatzu Enpresa Parkean du egoitza, Donostian.
Tapiaren ahotan, albistea "unerik egokienean heldu da. Hain justu ere, euskal enpresak eraldaketa digitalean murgilduta daudenean, 4.0 Industriaren zerbitzu aurrerakoiekin gero eta lotuago".
"Bere garrantzia eta bokazioa ongietorriak dira, Eusko Jaurlaritzak enpresa honen bilakaera txalotzen du; izan ere, start up gisa jaio zen enpresa-sorkuntzarako euskal ekosisteman", azpimarratu du.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.