Hiru zinema ekoiztetxe salatu ditu Euskaltelek 'bezeroei iruzur egiteagatik'
Euskaltelek salaketa jarri du Reliance Entertainment Productions LLC, Venice PI, LLC. eta Wind River Productions LLC. zinema ekoiztetxeen aurka, "bezeroei iruzur egiteagatik".
Dirudienez, bide judiziala saihestearen truke, ekoiztetxe horiek dirua eskatu diete hainbat bezerori, gutun bidez, zuzenean zein zeharka, ustez haienak diren edukiak partekatzeagatik, Jabetza Intelektualaren Legea urratuta. Horregatik, gertatutakoa "iruzurrezko ekintza desleiala" dela uste du Euskaltelek.
Ohar batean, aipatu konpainiak azaldu du gertaeren kontakizunean gezurrak antzeman dituela, bezeroen gutunak aztertu ostean.
Horrekin lotuta, zera dio Kontsumiden aurkeztu duen salaketan: "Gutun horietan esaten da Bilboko Merkataritza Arloko 1 zenbakidun Epaitegiak ustez arau-haustea egin zuten bezeroei datuak eskatu zizkiela. Erabiltzaileei bidalitako gutunetan ezkutatu egin dute erabaki bat hartzeko orduan bezeroak behar duen informazioa".
"Oro har, arauz kontrako ekintzak egin dituzte", gaineratu du. Horrek, gainera, ezinegona sortu du Euskalteleko bezeroen artean, konpainiak berak azpimarratu duenez.
Zure interesekoa izan daiteke
ELA eta LAB, etxebizitzaren aldeko greba orokorrerako bidean
LAB etxebizitzaren inguruko greba orokorraren alde agertu da, eta beste sindikatuekin batera prestatzen ari dela esan du
Ekonomia % 2,2 haziko da Euskadin aurten eta % 1,9 datorren urtean
Argindarraren prezioa 200 euro/MWh-tik gorakoa izango da asteartean, 2022tik lehen aldiz
CC. OO.k eta UGTk greba orokorra deitu dute udazkenerako
Osakidetzak LEPa egingo du 2027an, estaldura zaileko plazak betetzeko, eta erizaintzakoak ere jasoko ditu
Bilboko metroaren Errekalde eta Matiko arteko linea egiteko lanek sei urte iraungo dute
Milaka lagun kalera atera dira berriro etxebizitza ez dela negozioa aldarrikatzeko
Eusko Jaurlaritzak ia sei milioi euro bideratuko ditu lehen sektorera lehortearen eta kostera txarraren ondorioak konpentsatzeko
