Euskaltelek 25 kaleratze iragarri ditu
Jose Miguel Garcia Euskalteleko kontseilari delegatu berriak enpresa batzordeari gaur goizean jakinarazi dionez, 25 langile kaleratuko dituzte. Zehatz jarrita, R Cable enpresako (Galizia) 10 behargin; Telecableko (Asturias), 7 eta Euskalteleko 8 botako dituzte. Ez dute baztertu kaleratze gehiago egotea. Langileek elkarretaratzea egin dute zuzendaritzaren erabakia salatzeko.
Aurrez, Garcia izendatzearekin bat, telekomunikazio enpresako beste 20 bat langile, denak ere zuzendaritza postuetako kideak, kaleratu zituen Euskaltelek. Zegonak enpresaren kontrola hartu zuenetik funts britainiarrak egin asmo duen "berrantolaketaren" baitan kokatu dituzte neurriok. Garciak berak eman dio enpresa batzordeari erabakiaren berri.
Euskaltel taldea osatzen duten enpresa ezberdinetan egingo dituzte kaleratzeak: 10, R Cablen; 7, Telecablen, eta 8, Euskaltelen bertan. Enpresa batzordearen arabera, zuzendaritzak ez du ziurtatu kaleratze gehiago egongo ez direnik.
Euskalteleko zuzendaritzaren iturriek EFEri ziurtatu diotenez,"berrantolaketa honen ondoren, ez dute konpainian egitura aldaketa gehiago egiteko asmorik".
Lau langileri jakinarazi diete jada erabakia, baina gainerakoak komunikatu gabe daude oraindik.
Elkarretaratzea kaleratzeen kontra
Erabakiaren berri izan ostean, elkarretaratzea deitu du enpresa batzordeak, eta dozenaka langile bildu dira eguerdian Derioko egoitzaren aurrean.
Langileek Derioko egoitzaren parean egin dute bilkura, eguerdian. ETBko bideo batetik ateratako argazkia
Javier del Blanco enpresa batzordeko presidentearen (CCOO) hitzetan, "ez dute kaleratzeak arrazoitzeko argudiorik. Langileak kezkatuta daude, edonor izan daitekeelako lanik gabe geratuko dena, kaleratze horietarako ez dagoelako arrazoi zehatzik".
Blancoren aburuz, "badugu lana; ez dago, beraz, ageriko arrazoirik ezta zio ekonomikorik ere kaleratzeok justifikatzeko". Nabarmendu duenez, bota dituzten langile horiek "egoera berrira moldatu ahal ziren, euren profil profesionala egokitu zezaketen, baina zuzendaritza berriak ez du kontuan hartu batzuek 20 urte daramatzatela proiektu honetan, eta merezi zutela urte hauetan egindako lana aintzat hartzea, eta egin zezaketen bidea kontuan hartzea".
"Iragarritako heriotza baten kronika da honakoa. Batzordetik ohartarazi genuen, baina inork ez du ezertxo ere egin", deitoratu du.
"Gogora ekarri behar dugu Euskaltel diru publikoarekin sortu zutela, baina Eusko Jaurlaritzak eta gainerako erakundeek ez dute ezer egin hau guztia saihesteko. Bakarrik utzi gaituzte", erantsi du Blancok.
Enpresa batzordeak iragarri du langileekin aztertuko duela egoera, "hartu beharreko neurriak ondo pentsatuz".
ELA sindikatuaren hitzetan, 25 kaleratzeak langileen aurkako "eraso larria" dira.
"Triskantzari aurre egiteko" Euskalteleko langileak antolatzen "edonola" saiatuko dela iragarri du ELAk agiri batean. Sindikatu abertzalearen ahotan, Zegonaren "helburu bakarra akzioen dibidendua areagotzeko kostuak murriztea da".
"Hau ere albiste ona" ote den galdetu dio sindikatuak Arantxa Tapia Ekonomi Garapenerako sailburuari.
Iragarritako kaleratzeak
Enpresa batzordeak atzo azaldu zuenez, Giza Baliabideen arduradunek duela astebete jakinarazi zieten kaleratze gehiago egongo zirela, data eta kopurua zehaztu ez bazieten ere. Esan zietenez, "ahalik eta doitze txikiena" egin asmo zuten, eta kaleratzeak erabakitzeko irizpideaz galdetuta, arlo jakin batzuetan atzemandako "gehiegizko gaitasuna" izango zela nabarmendu zieten.
Asteon, bestalde, hainbat elkarrizketa eskaini ditu Euskalteleko kontseilari delegatuak, eta horietan aurreratu duenez, "erakunde-egitura sinplifikatu" nahi du, hiru enpresak "errentagarriagoa eta lehiakorragoa" izango den bakarrean bilduta.
Zure interesekoa izan daiteke
Txerri izurriaren birusarekin lan egiten duten zentroen auditoretza agindu du Generalitateak
Era berean, nabarmendu du agerraldia ez dela iritsi eremuaren barruan dauden 55 etxaldeetako bakar batera ere. Hartara, abeletxe horietako txerrien haragia Espainiako merkatuan kontsumitzen hasiko da.
Guggenheim patronatuak ezetz esango dio Urdaibaiko museoa eraikitzeari
EITB Mediak jakin ahal izan duenez, Urdaibaiko Guggenheimen etorkizuna abenduaren 16an argituko da. data hori aukeratu du patronatuak proiektuarekin zer egin aztertzeko. Badirudi alboratuta geratuko dela, bideragarritasunaren inguruko zailtasunak ikusita.
Metro Bilbaoren 4. lineak Matiko eta Alonsotegi lotuko ditu
Metroaren linea berria Matiko, Deustu, Parke, Moyua, Irala, Errekalde, Basurtu, Zorrotza eta Irauregiko geltokietatik igaroko da. Gaur, Eusko Jaurlaritzak eta Bizkaiko Foru Aldundiak 4. linea eraikitzeko eta finantzatzeko akordioaren xehetasunak aurkeztu dituzte.
Jauregik ziurtzat jo du bazkide berriak "helduko" direla Ayesaren erosketarako sortutako partzuergora
EH Bilduk ohartarazi duenez, operazioaren iragarpenak erosketa "garestitu" dezake oraindik erabat itxita ez dagoelako.
Aurrekaririk ez duen negozioa izango da Munduko Futbol Txapelketa
2023-26 planaren barruan, txapelketaren antolakuntzak 3756 milioi dolarreko aurrekontua du, eta 13.000 milioi dolar inguruko diru-sarrerak izateko aurreikuspena.
Confebaskek zalantzan jarri du ELAk herrialdeari egiten dion ekarpena, eta Lakuntzak erantzun du "hitzarmen gehien eta hoberenak" lortzen dituela
Tamara Yagüe Confebaskeko presidenteak kritikatu du sindikatuak borrokara jotzen duela "bide bakar gisa, elkarrizketaren eta negoziazioaren kaltetan".
Tamara Yague, Confebasken presidentea: "Zer ekarpen egiten dio ELAk herrialdeari?"
Tamara Yague Confebasken presidenteak mezu gogorra helarazi du ELA sindikatu nagusiaren aurka, sindikatuak patronalaren aurkako salaketa aurkeztu ostean. Yaguek kritikatu du sindikatuak borrokara jotzen duela bide bakar gisa, elkarrizketaren eta negoziazioaren kaltetan.
Oposizioko taldeek osoko zuzenketak aurkeztu dizkiete Arabako aurrekontuei
Oraingoz, Foru Gobernuak ez du aurrekontuak aurrera ateratzea bermatuta, eta elkarrizketak izaten jarraitzen du, batez ere Elkarrekin Podemosekin. Talderen baten babesa edo abstentzioa lortzen ez badu, aurtengo kontuak luzatu beharko ditu.
Sindikatuek greba mugagabea deitu dute urtarrilaren 27tik aurrera eta asteartero Osasun Ministerioari profesional guztientzako Esparru-Estatutua eskatzeko
Mahaiak Osasun Sistema Nazionaleko langile guztien lan-baldintzak hobetzea du helburu, sanitarioena eta ez sanitarioena, "salbuespenik gabe, pribilegiorik gabe eta distortsiorik gabe". Ministerioa sindikatu mediku batzukein Estatutua paraleloan negoziatzen ari dela kritikatu dute.
Ayesaren etorkizuneko egoitza Zamudion edo Donostian egongo da
Eusko Jaurlaritzak, BBK Fundazioak eta Kutxabankek sortutako Indar funtsak osatutako partzuergoak irabazi du Ayesaren dibisio teknologikoa erosteko eskaintza, eta akordioa urte amaierarako itxita egotea espero du.