Volkswagenek Polo modelo berri bat egingo du Landabenen
Nafarroako Volkswagen lantegiak Polo familiako ibilgailu berri bat egingo du 2021eko bigarren seihilekotik aurrera. Horretarako, Polo eta T-Cross ibilgailuen MQB plataforma erabiliko dute, Andreas Tostmann enpresako Ekoizpen eta Logistika arduradunak Landabeneko zuzendaritzari jakinarazi dionez.
"Volkswagen Nafarroak eskarmentu handia dauka ibilgailu txikiak egiten eta produktibitate maila oso ona lortu du. T-Cross ereduaren merkaturatzean langileak bizkor lan egiteko gai direla erakutsi dute, baita eraginkortasunez ere", esan du Tostmannek. Bestalde, antzeko ibilgailu bat izanik, Polo eta T-Cross ereduen ekoizpenean erabilitako trokel eta linea berdinak erabili ahal izango dituztela azaldu du Tostmannek. Horrenbestez, modu lehiakorrean egin ahal izango dute ibilgailu berria.
Bestalde, Emilio Saenz Nafarroako Volkswageneko zuzendariak Landabeneko beharginek egindako lana goraipatu du, "lan bikaina egin baitute". "Ibilgailu osagarri horren ekoizpenari esker, ziurtatuta daukagu lan-karga eta enplegua epe luzera", esan du.
Iruñeko lantegian egun Polo eta Volkswagen T-Cross ibilgailuak egiten dituzte. 2018an 272.272 ibilgailu egin zituzten. Gainera, 1966tik Nafarroako lantegiak eskarmentu handia hartu du ibilgailu txikien ekoizpenean. Lehendabiziko Poloa, esaterako, 1984an egin zuten; eta, gaur egunera arte 8 milioi baino gehiago egin dituzte.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.