Adifek AHTren hiru lan esleitu ditu EAEn, ia 200 milioi euroan
Bergarako lotunean bi zati egiteko lanak lizitatu ditu Adifek; baita Gasteiz eta Bilbo lotzen dituen ibilbidean, larrialdi irteera berriak eraikitzeko lanak ere. Guztira, 197,1 milioi euro bideratuko dituela iragarri du ostegun honetan Adifeko Administrazio Kontseiluak.
Alde batetik, Adifek Arrasate-Elorrio-Bergarari dagokion Atxondo eta Abadiño lotzeko zatiaren lanak lizitatu ditu 93,2 milioi euroan. Lanek 30 hilabete iraungo dute. Zatiak, berriz, 5,6 kilometroko luzera izateaz gain zortzi biaduktu eta hiru gainbide izango ditu.
Bestetik, Adifek 71.957.516 milioi euroan lizitatu ditu Gasteiz-Bilbo-Donostiari dagozkion Abiadura Handiko Trenaren Elorrio-Elorrio zatiko lanak; lanek 34 hilabete iraungo dute.
Zati horrek 3 kilometroko luzera izango du eta Atxondo-Abadiño zatian hasi eta Elorrio-Bergara zatian amaitu egingo da; Elorriotik (Bizkaia) igaroko da osorik, herri erdigunetik kilometro bat hegoaldera.
Bide nagusiak 14 metroko bi noranzko izango ditu trafiko mistorako: orduko 220 eta 90 kilometroko abiadura harrapatuko dute bidaiarientzako eta merkantzien trenek hurrenez hurren.
Guztira, 1.561 metroko bost biaduktu egingo dituzte; halaber, 206 metroko tunel bat (Zumelegi) egingo dute bi noranzkorekin eta drainatze banarekin noranzko bakoitzarentzat.
Zazpi larrialdi irteera berri
Era berean, Gasteiz-Bilbo-Donostia abiadura handiko tartearen tuneletan, Arabako eta Bizkaiko hiriburuak lotzen dituen ibilbidean, larrialdi irteera berriak eraikitzeko lanak lizitatu ditu Adifek: 30.516.339 euro. Lanak Obras Subterráneas (OSSA) enpresak egingo ditu.
Lanak bukatzeko 27 hilabete beharko dituzte. Eskoriatza, Aramaio, Arrasate, Elorrio, Durango, Izurtza, Zornotza, Lemoa, Galdakao eta Zaratamon ebakuaziorako 10 galeria egingo dituzte zazpi tuneletan.
Iñigo Urkullu lehendakariak ATHko lanetan izandako atzerapenak uztailaren 24an deitoratu ostean onartu ditu Sustapen Ministerioak esleipen berriak. Izan ere, "herritarrentzat ulertezina baita AHTren lanetan ematen ari den atzerapena", esan zuen Urkulluk.
Aitor Esteban EAJko bozeramileak ere AHTren lanak amaitzeko konpromisoa har dezala ohartarazi zion Pedro Sanchezi inbestidura ekitaldian.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.