Palestinako agintariek presio Espainiari, CAFek Jerusalemgo tranbia egin ez dezan
Palestinako agintariak Espainiako Gobernuarekin harremanetan jarri dira Beasaingo CAF enpresak Jerusalemgo tranbia luzatzeko kontratua eskuratu eta hiru astera.
Palestina Askatzeko Erakundearen helburua da presio egitea, CAFek atzera egin eta egitasmoan parte hartu ez dezan.
Mikel Ayestaran EiTBko kazetaria Ramala izan da Nasser Qudwa Palestinako Atzerri ministro eta NBEko enbaxadore ohiarekin. Goi diplomazialariak azaldu dionez, "Espainiako Gobernuak CAFi Jerusalemgo egoera azaltzea eta neurri legalak hartzea nahi dugu".
CAFi Beolia enpresa frantsesarekin gertatutakoa gogorarazi dio Qudwak, tranbiaren lehen linea egiteko lehiaketa irabazi ondoren, azkenean Jerusalemdik atera behar izan zen nazioarteko presioak eraginda.
Espainiako Gobernuarekin abiatutako hartu-emanak fruiturik ematen ez badu, Palestinako agintariek prest dute hurrengo urratsa: "Herrialde lagunei, besteak beste, herrialde arabiarrei, konpainiarekin lan ez egiteko deia egingo diegu".
Abuztu hasieran iragarri zuen CAFek Saphir eraikuntza-enpresarekin osatutako TransJerusalem J-Net Ltd kontsortzioak irabazi zela Jerusalemgo tren arinaren 2. linea egiteko lehiaketa, 1.800 milioi euroan. Lanok egiteko, baina, Palestinako lurrak desjabetu beharko dituzte, eta horrek sekulako polemika sortu du nazioartean. Egoera horren aurrean, nazioarteko legezkotasuna urratzen duten lanetan parte hartzearen aurka azaldu zen CAF Beasain enpresako langileen batzordea.
Zure interesekoa izan daiteke
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.