Abian da pentsiodunen martxa, 'pentsio duinak' eskatzeko
30 bat pentsiodunek (25 gizon eta sei emakume) abiatu dute gaur goizean 'Iparraldeko zutabea' deitu dutena, alegia, euskal pentsiodunen talde batek Bilbotik Madrilera oinez egingo duen martxa. Mobilizazioak bi aldarri nagusi izango ditu: "pentsio duinak bermatzea" eskatzea eta politikariei auzian duten "erantzukizuna bere egitea" galdegitea.
Martxa urriaren 16an helduko da Madrilera, eta egun horretan kontzentrazioa egingo dute Diputatuen Kongresuaren aurrean. Cadiztik beste zutabe bat abiatu da gaur, eta biek bat egingo dute Madrilen.
Bizkaiko Labe Garaien langileek 1992an egin zuten "Burdinaren Martxa" izan dute pentsiodunek inspirazio iturri. "Duela 27 urte 'Burdinaren Martxa' buru zuten lagunen sendotasun berarekin abiatu gara gu ere. Orduko hartan galtzear ziren milaka lanpostuen alde egin zuten bidea, oraingoan pentsio duinak bermatzea eskatzen dugu", esan dute parte-hartzaileek.
"Egoera triste honek bultzatu gaitu errepidera. Irmotasunez egingo dugu aurrera, espero dugu politikariek duten erantzukizuna bere egitea, hauteskunde kalkuluak egin gabe", azaldu dute.
Gaur Laudiora helduko dira pentsiodunak. Guztira, 22 etapatan egingo dituzte Espainiako hiribururaino dituzten 400 kilometroak.
Elkarretaratzea egin dute Bilbon
Bitartean, Bizkaiko Pentsiodunen Mugimendiak, astelehenero bezala, elkarretaratzea egin du Bilboko Udaletxearen aurrean.
Jon Fano bozeramaileak zehaztu du azarorako deituta zuten "mobilizazio-egunari" eutsiko diotela, "ahalik eta sektore gehienen babesarekin"; nolanahi ere, onartu du litekeena dela ez egitea, horrekin batera, lau orduko lanuzteetako egunik lan-zentroetan, aldez aurretik hori iragarrita bazuten ere.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".