'Metalaren ekoizpena geldituta dago Bizkaian', sindikatuen arabera
Bizkaiko Metalaren sektoreko greba deitu duten sindikatuek esan dute bost greba egunetako bigarrenean ere "gehiengoak" egin duela bat protestarekin, "erabateko arrakasta" izan duela deialdiak. "Lan-hitzarmen duina", soldatak eguneratzea, genero berdintasuna eta prekarietatea amaitzea eskatzeko egin duten lanuztearen jarraipena % 85ekoa izan omen da.
Gaurko bigarren jardunaldi honetan, negoziazio mahaian dauden ELA, CCOO, LAB eta UGT sindikatuek, ESK, CGT, USO eta CNT sindikatuetako ordezkariekin batera, elkarretaratze eta manifestazioak egin dituzte Erandion eta Zornotzan.
Erandioko protesta eguerdia baino lehentxeago abiatu da Metro geltokitik, eta bi kilometro egin ditu Navacel enpresaren egoitzara iritsi arte, Astrabuduan, eta gero udaletxeko plazaraino joan dira Itsasadarreko errepidetik.
Manifestazioaren aurretik, ELA, CCOO, LAB eta UGTk Industrian dituzten bozeramaileek begi onez jo dute bigarren greba eguneko jarraipena, eta Iñigo Urkullu lehendakariak patronala defendatuz egindako adierazpenak kritikatu dituzte.
Mikel Etxebarriak (ELA) esan du sektoreko langileek berriro erakutsi dutela "erabat mobilizatuta" daudela, eta patronalari "negoziaziorako benetako borondatea erakusteko" eskatu dio, "sindikatuaren puntuak justuak eta egingarriak direlako, eta patronalak erantzun positiboa eman beharko liokeela iritzi diogulako".
Iker Gonzalo CCOOren ordezkariak, bere aldetik, azpimarratu du "Bizkaiko poligono eta enpresak berriro itxi" dituztela gaurkoan, eta horrek agerian uzten duela "jendea patronalaz eta negoziazio mahaian duen jarreraz nazkatuta" dagoela.
Iratxe Azkue LABekoak esan du bigarren lanuztea "arrakastatsua" izan dela, eta langileek "erantzun argia" eman dietela patronalaren "gezurrei: "Gezurren gainetik, kalera atera dira eta kaleak bete dituzte, lantegia hustuz, gezur horiek ez gaituztelako geldituko".
Bestalde, Jose Maria Rojo UGTren ordezkariak esan du langileek "konpromisoa” erakutsi dutela berriro "lan baldintzen eguneratzearekin eta enpleguaren egonkortasunera bideratutako aldarrikapenekin".
Patronala
Bizkaiko Metalaren patronalak, berriz, "pikete biolentoen" jokabidea salatu du, Durangaldekoen jarrera bereziki.
Gainera, sindikatuek jarraipena % 85 ingurukoa izan dela esan duten arren, patronalak % 20ra jaitsi du portzentajea, eta "piketeek baldintzatua" izan dela adierazi du.
Patronaletik esan dute gaur istilu "larriak" izan direla berriro "pikete biolentoen erruz". Talde horien helburua "ahal duten enpresa gehien kaltetzea" dela uste du patronalak, eta horregatik egun bakoitzean "puntu desberdinetan" jarduten dutela.
BIDEOA: Barrikadak Zamudion, Bizkaiko metalgintzaren bigarren greba egunean
Gurutzatutako edukiontziak, Zamudioko parke teknologikoan. Argazkia: @ikersalgadoser1
Istiluak
Ertzaintzak 14 langile identifikatu ditu Berrizen, Zaldibarren, Igorren eta Zamudion gaurko greba egunaren hasieran.
Ertzaintzak 5 lagun identifikatu ditu Berrizen, beste hainbeste Zaldibarren, bi Igorren, eta gainerakoak Zamudioko Teknologia Parkearen inguruan.
Geroago, goizeko hamarrak aldera, beste 20 bat lagun identifikatu ditu Abadiñon, piketeek enpresa batean kalteak egin ostean.
EH Bilduk Urkulluren "zinismoa" salatu du
Iker Casanova EH Bilduren legebiltzarkideak Urkulluren "zinismoa" salatu du, "prekarietatea sortzen dutenen ondoan" jartzeagatik, Bizkaiko metalaren patronalari erreferentzia eginez.
Ohar batean, Casanovak kritikatu du Urkulluk sindikatuen "akordiorako borondatea" ukatu izana, eta Josu Erkoreka Eusko Jaurlaritzaren bozeramaileak ere adierazpenok babestu izana.
Bien balorazioak "onartezinak eta lotsagarriak" direla iritzi dio legebiltzarkide abertzaleak, "beste behin patronalaren alde, bere interesak defendatzen, eta langileen aurka" jarri direlako. Horregatik, lehendakaria "patronalaren bozeramaile onena" dela eta "negozazio kolektibo batean gobernuak izan behar duen neutraltasuna urratu" izana gaitzetsi du.
Bizkaiko metalgintzako langileen manifestazioa, Erandion. Argazkia: @LABsindikatua
KPI gehi 2 puntuko soldata igoera tabletan eta KPI gehi 1 benetako soldatan, subrogazio eskubidea, behin-behinekotasunaren eta aldi baterako lan-enpresen kontrola eta lan-osasun zein genero berdintasuna lortzeko "neurri eraginkorrak" eskatzen dituzte sindikatuek.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.