Igorreko lantegia itxi eta langile guztiak kaleratzeko asmoa iragarri du Batz Taldeak
Batz Taldeak Igorreko Araluce lantegia ixteko eta bertan diharduten 141 langileak kaleratzeko asmoa duela jakinarazi dio enpresa-batzordeari.
ELA sindikatutik azaldu dutenez, likidazio prozesua abenduaren 31 baino lehen abiaraziko litzateke. Horren harira, sindikatuek inbertitzaile bat bilatzeko epea luzatzea eskatu dute, baina zuzendaritzak aukera hori baztertu du.
Araluce ixteko konpainiak aipatzen dituen argudio nagusiak bi dira: galera ekonomikoak eta automobilgintzaren sektoreak izan duen beherakada.
Sindikatuek, berriz, fabrika ez ixtea eta beste neurri alternatibo batzuk hartzea exijitzen dute. Ildo horretan, beharginak konpainiaren beste lantegi batzuetara lekualdatzea proposatu dute.
Oraingoz, produkzioak bere horretan segitzen du, baina astiro-astiro ekoizpena jaisten ari direla ohartarazi dute langileek: "Horrela jarraituz gero, bi hilabetetan ez da lanik egongo".
"Araluce erosteko interesa izan dezaketen inbertitzaileek denbora eta informazio gehiago behar dute, lantegia bideragarria dela egiaztatzeko, baina Batz immobilismoan kokatuta dago", salatu dute sindikatutik.
Bitartean, langileak mobilizazioak egiten ari dira euren lanpostuen defentsan. Egunotan bezala, datorren astean lanuzteak egingo dituzte 13:00etatik 15:00etara.
Horrez gain, gaur arratsaldean manifestazio jendetsua egin dute Igorreko kaleetan barrena, "Araluce bizirik!" goiburupean.
Zure interesekoa izan daiteke
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.