Donostiak tasa turistikoa iragarri du 2021erako, eta hotelek haserre erantzun dute
Ernesto Gasco Donostiako Udaleko Turismo zinegotziak iragarri du tasa turistikoa ezartzeko "bidea hasi" duela, eta "2021eko urtarrilerako" ezartzea espero duela, ordenantza baten bidez. Modu horretan, Udalak "urtean lau milioi euro inguru" jasotzea espero du.
Gainera, esan du Gipuzkoako Foru Aldundiarekin "akordiorako borondatea" eta "sintonia ona" dagoela gai horren inguruan, nahiz eta "ez den inoren babesa behar".
Gascok Donostiako udaletxean (Isabel Agirrezabala Donostia Turismoren zuzendaria aldamenean) emandako prentsaurrekoan berretsi duenez, Udalak "kalitatezko turismo iraunkorra"ren alde egiten du. Gainera, adierazi du tasa turistikoa ezartzea donostiarren "eskaera" dela, "iraunkortasun arrazoiei" erantzuten diela eta Udalari "lau milioi euro inguruko" diru-sarrerak ekar dakizkiokela.
Zinegotziaren esanetan, Jaurlaritzak tasa turistikoaren ezarpena arautzeko asmorik ez duela iragarri ostean, Udalak "bidea hasi" du uztailean ordenantza berria aurkezteko, "gauzak ongi eginez, presarik gabe".
Ordenantza horretan agertuko litzateke turistak hirian lo egiteagatik zenbateko kanona ordaindu beharko lukeen, hotelaren izaeraren arabera. Hala, hotel merkeenetan euro batekoa izango litzateke kanona, eta bost eurokoa lau eta bost izarreko hoteletan, adibidez. Bildutako diru "guztia" Udalarentzat izango da.
Hotelen haserrea
Gipuzkoako Hotelen elkarteak Donostiako Udalaren "desleialtasuna" salatu du, tasa turistikoa ezartzeko asmoa duelako.
Ohar batean, Gipuzkoako Hotelek "onartezin" jo dute "prentsatik jakitea udal mailan tasa turistikoa jartzeko asmoaren berri".
Elkartearen arabera, "urteetan jositako konfiantza hautsi du turismo mahaiari gehien ematen dion kolektiboarekin harremanetan jarri ez izanak".
Gipuzkoako Hotelek azaldu dutenez, foro eta lantalde guztietan agertu dituzte tasaren aurka dituzten arrazoiak: "Eskumen arrazoiak eta arkitektura juridikoarekin zerikusia dutenak; gainera, gaua pasatzen dutenei bakarrik eragingo die, hau da, etortzen direnen % 20ari".
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).