Urkulluk "soilik gizartearen zati pribilegiatuari" egiten diola kasu uste du ELAk
ELAko idazkari nagusi Mitxel Lakuntzak Iñigo Urkullu lehendakaria kritikatu du urtarrilaren 30erako deituta dagoen greba orokorrari buruz hitz egiteko ELA eta LAB sindikatuekin biltzeari uko egiteagatik. Lehendakariak "alde bateko" jarrera duela uste du Lakuntzak, eta hori "ez da onargarria, autoritarioa eta antidemokratikoa" delako. Horregatik, uste du "larria" dela "gizartearen zati pribilegiatua baino ez entzutea".
Lakuntzarentzat, Urkulluren jarrera "ez da onargarria", baina "berria ere ez". "Askotan izandako jarrera bat izan arren, ez ginateke ohitu edo ez genuke ontzat eman beharko lehendakari batek gizartearen zati bat baino ez entzutea, zati pribilegiatuari, hau da, patronalari eta enpresen interes ekonomikoei", gehitu du.
ELAko buruzagiak esan duenez, "bistakoa" da Urkulluk soilik "eliteen eredu batean" sinesten duela eta "gizartearen zati batetik gero eta urrunago dagoen ikuspegi bat" dauka. "Elkarrizketaz asko hitz egiten da, baina erretorika baino ez da, gizarte eragileokin hitz egin behar duenean, hau da, politika publikoak aldatzea proposatzen dutenekin, gurekin biltzeari uko egiten dio", esan du.
Bere ustez, "normaltasunaren barruan sartzen dena" Nafarroako presidente Maria Chivitek egindakoa izan da. Sindikatuekin biltzea onartu du. Lakuntzak esan duenez, ziur aski grebarekin "ados ez" dagoela esango die, baina "erantzuteko" eta entzunda izateko aukera izango dute.
Lehendakaria " ezkutatzen" ari dela eta "aurpegia eman nahi ez" duela uste du Lakuntzak, eta "harrigarritzat" hartu du sindikatuei emandako erantzunean "eskumenik ez daukala esatea, badituelako". Zehazki, "pentsioak osatzeko eta 1.080 euroko gutxieneko pentsioa gauzatzeko" eskumena dauka.
Grebak hiru arlotan eskatuko du "politikak aldatzea": pentsioetan, lan eskubideetan eta gizarte eskubideetan. Aldarrikapenak Eusko Jaurlaritzari eta Nafarroako Gobernuei ez ezik, patronalari ere bideratuta dago.
Ahal Dugu, CC. OO. eta UGTren kritiken aurrean
Bestalde, Lander Martinez Ahal Duguko idazkari nagusiak esandakoari hitz egin du Lakuntzak. Politikariak Espainiako Gobernuari "konfiantza tarte bat" ez ematea deituratu zuen. Lakuntzak, ordea, Pablo Iglesias presidenteordeak kargua hartu zuenaren adierazpenak aipatu ditu. Iglesiasek sindikatuei eta gizarte mugimenduei "estutzeko, kritikatzeko eta interpelatzeko" eskatu zien, Gobernuak "egiteko prest dagoena baino gehiago egin dezan".
CC. OO. eta UGT Euskadiren kritiken aurrean, Lakuntzak esan du beren jarrera "kezkagarria" dela, eta "kontraesan garrantzitsuak" dituztela. Sindikatu horiek Espainiako "Gobernuaren atzetik" ere badaudela esan du, eta horrek ez duela gauza onik esaten uste du.
"Ez dago greba baino erreminta egokiagorik"
Esan duenez, ELAk hiritarrek "bizi kalitate hobeak" izan dezaten egiten du lan, eta "tamalez, ez dago greba baino erreminta egokiagorik". "Nahiko genuke mahaian esertzea nahikoa izatea, baina ez digute kasurik egiten mahai horietan", gehitu du.
"Greba azken baliabidea da, baina gure aukera bakarra da, patronalaren jarrerak, kasu honetan, Eusko Jaurlaritzaren babesa duelako. Gauza batzuk ezinezkoak dira grebarik gabe", esan du.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.