Nafarroako Gobernuak eta EH Bilduk aurrekontu-akordioa sinatu dute
Nafarroako Gobernuak eta EH Bilduk akordioa hitzartu dute ostiral honetan, Foru Erkidegoko 2020rako Aurrekontuak onartzeko aurreko astelehenean itxitako aurreakordioa berretsi eta sustatze aldera. Hortaz, Nafarroako Gobernuak agiri batean zehaztu duenez, osoko zuzenketarik aurkeztuko balitz, EH Bilduk kontrako botoa emango luke, Aurrekontuen Legearen proiektua onartzea ahalbidetzeko. Halaber, finantzarioa ez den 2020rako gastu-muga 16,7 milioi euro handiagoa izango da; hala du jasota itunak.
Akordioak bi aldeen hainbat konpromiso islatzen ditu. EH Bilduk zuzenketa partzial sorta aurkeztuko du, 2019-2023 Legealdi Akordioak jasotzen duenaren ildotik. Zuzenketa horiek, bereziki, gai hauekin izango dute lotura: Berdintasun Foru Legearekin, hezkuntza-azpiegiturekin, 0-3 urte bitarteko haur-eskolekin, esku-hartze sozialaren hitzarmenarekin, osasun publikoarekin eta lan-osasunarekin, udal-finantzazioarekin eta lurralde-kohesioarekin.
Nafarroako Gobernuak, aldiz, hurrengo arloetan garatuko ditu zenbait neurri 2020an: pentsio duinetan, enpleguan, hezkuntzan, administraritza lokalean, trantsizio ekologikoan, funtzio publikoan, Nafarroako Finantza Institutuan, kalitatezko zerbitzu publikoetan, Jarduera Onetarako eta Ustelkeriaren Aurkako Bulegoan, eta Foruzaingoan.
Gastu-mugak, gora
Halaber, eta Ogasunak aldeko txostena eman ostean, otsailaren 3an, Gobernu bileran, finantzarioa ez den 2020rako gastu-muga igoko dute; hain zuzen ere, 16,7 milioi euro handiagoa izango da. Kopuru horretatik, bost milioi Tokiko Azpiegituretako-Despopulatzearen aurkako Planean erabiliko dituzte, eta gainerako 11,7 milioiak zuzenketa partzialetarako baliatuko dituzte; zuzenketa horiek Nafarroako Gobernuan dauden taldeenak izango dira (alegia, PSNrenak, Geroa Bairenak, Podemosenak), baita EH Bildurenak eta I-Erenak ere.
EH Bilduren Nafarroako Parlamentuko bozeramaile Adolfo Araizek nabarmendu du bildu ahal izan dituztela 16,7 milioi horiek, "hasieran errezeloak bazeuden ere": "Lan teknikoa egin da, diru-sarrera guztiak eztabaidatu ditugu", esan du. Aldeen arteko "desadostasun batzuk" izan direla onartu ere onartu du.
Zure interesekoa izan daiteke
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.