EHUk eta Hezkuntza Sailak azpikontratatutako garbitzaileek 5 asteko greba abiatu dute
ELA, CC. OO., LAB eta ESK sindikatuek bost asteko greba deitu dute, martxoaren 2tik aurrera, EHUk eta Hezkuntza Sailak azpikontratatutako garbitzaileen kolektiboan. Grebaren helburua Eusko Jaurlaritzaren garbiketa-langileekin soldata-parekatzea eskatzea da, baita hitzarmenaren negoziazioari "edukiekin" berrekitea eskatzea ere.
Sindikatuek adierazi dutenez, negoziatzen bost urte eman ostean, enpresek mahaira joateari utzi diote, eta Jaurlaritza "beste alde batera" ari da begiratzen. Hortaz, "lan bera, soldata bera" goiburupean, langileek Jaurlaritzak kontratatutako garbitzaileekin parekatzea eskatuko dute. "Egun, aldea % 13tik gorakoa da" azaldu dutenez.
Halaber, sindikatuek salatu dute diskriminazioa ez dela hor amaitzen: "Langileen % 40k lanaldi partzialak dituzte, eta, ondorioz, soldata partzialak". Sindikatuen esanetan, enpresek ez dute lanaldiak luzatzeko neurririk hartu nahi, bete gabe dauden postuak betetzeko sistema bat erabil dezakete horretarako, adibidez, "baina errefusatu egiten dute, eta prekariotasuna, hortaz, mugagabea da".
"Lan-zamak jasanezinak" direla ere salatu dute. Sindikatuek azaldu dutenez, Hezkuntza Sailaren garbitzaileek gehienez 1.420 metro garbitzen dituzte egunean, "baina azpikontratatutako langileek 2.500 metro garbitzen dituzte egunero, baita 2.800 metro kasu batzuetan ere ", eta ondorioz, langile askok "karpo-tunela, sorbaldan tendinitisa eta antsietatea pairatzen dituzte".
"Zerbitzuak prezio baxuenean kontratatzen ari dira"
Sindikatuek, horrez gain, salatu dute Hezkuntza Saila eta EHU "prezio baxuenean" ari direla zerbitzuak kontratatzen: "Gero, enpresek diote zailtasunak dituztela langileek eskatutako hobekuntzak egiteko, eta horrela igaro dira bost urte".
"Grebara jotzea beste aukerarik ez zaie geratu langileei, egoera jasanezina baita" azaldu dute sindikatuek: "Gelditzea erabaki dute, norbaitek ikus ditzan, eta beraiek ere hezkuntza-komunitateko kideak direla erakusteko".
Grebari esker "enpresek negoziazioa seriotasunez berrartzea" espero dute, baita "Hezkuntza Sailak eta EHUk azken bost urte hauetan eman ez dien arreta ematea ere".
"Negoziaketa edukiz hornitu nahi dute langileek, aspalditik merezi duten lan-hitzarmena sinatze aldera" aldarrikatu dute sindikatu deitzaileek.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.