Aurkeztutako aldi baterako lan-erregulazioen % 87 tramitatu ditu jada Jaurlaritzak
Eusko Jaurlaritzak astearte honetan azaldu duenez, orain arte Euskadin aurkeztutako 25.641 aldi baterako lan-erregulazioen % 87 tramitatu dituzte jada. Ildo horretatik, "hilabetea amaitu baino lehen" % 100era iristea espero du, SEPEk langileei "lehenbailehen" ordaindu ahal izateko, izan ere, orotara 177.339 langileri eragiten diete aldi baterako lan erregulazio horiek.
Jon Azkue Lan sailburuordeak azaldu duenez, 20.000 eskaera baino gehiago mikroenpresei dagozkie, eta 1 eta 10 langile artean dituzte.
Halaber, "osasuna eta ekonomia bateragarriak" direla ziurtatu du, "langileen segurtasuna zainduz lan egin daitekeelako". Testuinguru horretan, Euskadin "milioi erdi pertsona baino gehiagok" bai etxetik, bai lantokietatik ere lanean jarraitzen dutela esan du Lan sailburuordeak.
Azkuek adierazi du "normaltasuna" izan dela nagusi egunotan lanera itzultzean, eta adierazi du enpresetako prebentzio zerbitzuek, sindikatuek eta Eusko Jaurlaritzak elkarrekin egindako lanari esker "posible" izan dela "segurtasunaren eta lanaren arteko dikotomia bermatzea".
Bestalde, ELA eta LAB sindikatuak elkarrizketa sozialerako mahaian ez izatea deitoratu du, eta bi aldeen artean egon daitezkeen liskarrei dagokienez, ez dela salaketak egiteko garaia azpimarratu du, eta koronabirusak eragindako pandemiak elkarlana bultzatuz akordioak bilatzen saihatzera behartzen dituela gaineratu du.
"Elkarlana behar dugu, gainean zer datorkigun begiratzeko", adierazi du sailburuak, eta "bere kabuz baztertzen direnek bazterketaren arazoa" dutela esan du, izan ere, Eusko Jaurlaritzak elkarrizketa sozialaz hitz egiten duenean, "guztien lankidetzara eta parte-hartzera jotzen du beti".
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.