Nafarroako Volkswagen lantegia itzuli da jarduerara
Nafarroako Volkswagen enpresa gaur, astelehena, itzuli da ekoizpen-jarduerara, Alemaniako zentralak autoen urteko ekoizpena murrizteko agindua eman duen arren. Aurten 306.645 auto ekoiztea aurreikusi zuten urtearen hasieran, baina, koronabirusaren eraginez ezarritako murrizketa berri horren ondorioz, 253.714 auto ekoiztea espero dute orain.
Nafarroako Volkswageneko instalazioetan langileen ordezkariekin egindako bileran, zuzendaritzak zehaztu du ekoizpen-programaren murrizketa berriak "fabrikazioari pixkanaka berrekiteko eta ekoizpenaren lehen asteak berrantolatzeko aukera" ematen diola lantegiari.
Gauzak horrela, aste honetan bi eguneko ekoizpena baino ez da egongo: astelehenean eta ostegunean (biak goizeko txandan, 06:00etatik 14:00etara). Gaur, lehen txanda arituko da lanean, eta ostegunean, bigarrena. Astearte eta asteazkenean, berriz, produkziorik gabeko egunak izango dira, eta lehen eguneko funtzionamendua aztertzeko eta, behar izanez gero, laneko eta segurtasuneko prozedurak hobetzeko neurriak hartzeko erabiliko dituzte, enpresak ohar batean jakitera eman duenez.
Horrez gain, Nafarroako Volkswageneko zuzendaritzak azaldu duenez, maiatzaren 4tik aurrera eta bi astez, goizeko ordutegian bakarrik arituko dira lanean, 06:00etatik 14:00etara, lehen txandaren eta bigarren txandaren arteko eguneroko txandakatzearen formularekin.
Bestalde, Nafarroako Volkswageneko zuzendaritzak eta langileen ordezkaritzaren gehiengoak (UGT, CCOO, ELA eta CCP, hau da, enpresa-batzordearen % 82,7) aldi baterako lan-erregulazio berria aurkezteko akordioa lortu zuten ostiralean. LABek eta CGTk, ordea, uko egin diote akordioa sinatzeari, enpresako zuzendaritzak ohar baten bidez jakinarazi duenez.
Ildo horretatik, aldi baterako lan-erregulazio berria 2020ko abenduaren 31n amaitzea adostu dute bi aldeek.
Espediente hori antolaketa-arrazoiak (plantilaren osasuna zaintzeko) eta ekoizpen-arrazoiak (hornitzaileen, autoak biltegiratzeko guneen eta kontzesionarioen egoera dela eta) argudiatuta aurkeztuko dute.
ELA sindikatuaren arabera, aldi baterako lan-erregulazio berria "ildo berekoa" da, eta hiru zutabetan oinarritzen da: langileen osasuna babesten jarraitzea, ekoizpenaren antolakuntza modu mailakatuan egin ahal izatea eta garbiketa sakonagoak bermatzea.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.