Gutxieneko diru-sarreraren kudeaketa Ministerioarekin adostu zutela dio Remirezek
Javier Remirez Nafarroako Gobernuaren bozeramaile eta presidenteordeak esan du Bizitzeko Gutxieneko Bitarteko Diru-sarreraren kudeaketa Nafarroako Foru Erkidegoaren esku uztearena "Elma Saiz Ogasun eta Ekonomia kontseilariak eta Maria Jesus Montero Ogasun ministroak egindako akordio" baten ondorio dela, "autogobernu gaitasunarekiko koherentziaz", zeren Nafarroak "ogasun propioa du, hiru euskal lurraldeek bezalaxe". Hori bai, EAJk "ekarpen positiboa" egiten duela aitortu du, Navarra Sumak ez bezala. Azken horrek interes orokorraren aurka egiten duela eta "Kongresuan erabat hutsala" dela adierazi du. Bestalde, Remirezen esanetan, EH Bildu "ikuspegi eraikitzailea" izaten ari da.
Radio Euskadin egin dioten elkarrizketa batean, Nafarroa COVID-19aren kasuan egoera onean dagoela azpimarratu du, baina "osasun aholkuak betetzen ez dituzten gutxiengo batek berragerpen txikiak" eragiten dituela aitortuta. 3 fasean sartzeaz galdetuta, Gobernuak kutsatzeko arriskua "ahal den guztia murriztuko" duela esan du, "baina jarduera ekonomiko eta sozial maila altuagoarekin bateragarria" izanda.
Gaiz aldatuta, baieztatu egin du "Nafarroako erkidegoaren esku dagoen etxebizitza batean" 9 urteko haur bat "bere buruaz beste egiten saiatu" dela. "Dagokion ikerketa abian jartzeko protokoloak martxan" direla aipatu ostean, zerbitzu sozialen lana goraipatu du.
Nafarroako Gobernuko presidenteordeak Navarra Sumari erantzun dio badakiela zein den "nire eta PSNren jarrera" Patxi Ruiz ETAko presoaren harira PSNren eta EAJren egoitzen aurka egiten ari diren pintaketetan. Remirezek ez omen du ulertzen zergatik sortzen diren, "alderdikeriagatik, egitazkoak ez diren eta erabat arduragabeak diren eztabaidak".
Ez da harritu langabezia datuen aurrean, eta Nafarroak bere onera itzultzeko "oinarri ona" duela uste du, "industria sektoreagatik eta esportazioengatik".
Azkenik, bertan behera geratu diren sanferminak izan ditu hizpide, eta "ahal den egun normalena izan dadila" eskatu du, "kutsaduren arriskua handitu ez dadin".
CONTENIDO NO ENCONTRADO
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.