Automobilgintza bultzatzeko estrategia komuna eskatu dute EAEk eta Nafarroak
Automobilgintza sektorea bultzatzeko estrategia komuna martxan jartzea eskatu diote Euskadik, Nafarroak eta beste sei erkidegok (Katalunia, Galizia, Valentzia, Gaztela eta Leon, Aragoi eta Madril) Reyes Maroto Industria ministroari.
Zortzi erkidegoetako industria arduradunek ministroari gutun bat bidali diote. Estatuarentzako estrategikoa den sektorearen egoerarekin “oso kezkaturik” agertu dira, eta “lankidetza konstruktiborako” borondatea azaldu dute.
Arantxa Tapia Ekonomi Garapenerako eta Azpiegituretarako sailburuaren ekimenez zortzi erkidegoek gutuna bidali diote Marotori. “Automobilgintzaren oraina eta, batez ere, etorkizuna artatzeko helburuarekin, esfortzuak eta baliabideak batzeko” estrategia partekatu bat premiazkoa dela uste dute erkidegoek.
Sektore publikoak eta pribatuak I+Gean egindako inbertsioa baliatzea eskatu dute, baita giza baliabideak hezkuntzaren bidez sortzeko ere. Jarduera eta lanpostuak epe laburrera mantentzeko sektoreari bultzada berri bat ematea beharrezkoa da, eta etorkizunean lehiakortasuna hobetu, agintarien arabera.
Automobilgintzaren Mahaia
Automobilgintzaren Mahai bat sortzea planteatu dute buruzagiek, Espainiako Gobernuaren gidaritzapean, eta erkidegoen beraien eta sektorearen laguntzarekin.
Neutraltasun teknologikoan oinarrituta autoen eskaera areagotzeko programa bat eskatu dute. Krisi egoera batean ibilgailu elektrikoen salmenta soilik bultzatzen baldin badute, “gizartearen desorekak” sakonduko lituzkete, baliabide gutxi duten pertsonen kalterako.
Era berean, ibilgailu elektrikoak kargatzeko sarea garatzea, gutxiago kutsatzen duten motorrak garatzeko ikerketa, garapen eta berrikuntza (I+G+B) eta energia berriztagarri eta prezio lehiakorretan oinarritutako politika bat bultzatzearen aldeko apustua egin dute.
Azkenik, enpresa handien aldeko apustu argia egitea beharrezkoa dela uste dute. Europar Batasunetik at dauden herrialdeen “dumping fiskala” saihesteko politikak bultzatzea eskatu dute.
“Premiazko” neurriek inbertsio berriak beharko dituztela onartu dute kontseilariek. Horregatik, automobilgintza sektorea laguntzeko itun estrategiko bat beharrezkoa ikusten dute, baliabide ekonomikoak bideratzeko akordioa ixteko.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.